فنانة تدافع عن تامر حسني وتهاجم سيد بدرية... من هي؟ ومن تضامن معها؟

20 آب 2017 | القاهرة (لها)

شنّت الفنانة شذى هجوماً حاداً على الفنان سيد بدرية بسبب انتقاده النجم تامر حسني وإتهامه بأنه يشتري الجوائز وأن بصمة هوليوود التي أعلن عنها غير حقيقية.

وكتبت شذى من خلال حسابها الخاص على "فيسبوك" : "مستغربة جدا من الهجوم اللي على تامر حسني .. معلش يعني هو تامر مثلا راجل فاشل أو فنان ملهوش جمهور ليه الهجوم ده وليه في صحفيين كتير بيهاجموا ..و الاستاذ سيد بدريه اللي مع كامل إحترامي ليه بجد والله أول مره أشوفوا، ليه كميه الحقد اللي في الفيديو اللي إنت عامله".

وأضافت: "ولما تامر في نظرك بيشتري الجوايز و بيكذب نازل ليه من بيتك و هادد حيلك علشان تهاجمه و حاططلي لقب الفنان العالمي سيد بدريه قبل إسمك، .. يعني حلال ليك وحرام على غيرك على الأقل إحنا عارفين تامر بس مين حضرتك ؟ و لو إني أحترم ذكائك لانك بمهاجمتك لتامر الوطن العربي كله عرف إسمك في يومين اللي عالميتك معرفتش إسمك لأولاد بلدك حتى !".

واردفت: "واحب اوجه كلامي لجزء من الساده الصحفيين حبونا شويه لو سمحتوا حبوا ولاد بلدكوا صدقوا موهبتنا و آمنوا بيها بطلوا تنجموا ناس ملهاش لازمه و تعملوا من ناس بلا قيمه نجوم و تيجوا على اللي بيشتغلوا بجد و بيتعبوا و بيجتهدوا و تهاجموهم".

ووجدت شذى دعم وتأييد لكلامها من جانب عدد من الفنانين أبرزهم مي كساب، والتي تركت لها تعليق يؤكد على تأييدها الكامل لكلامها، كذلك علق مينا عطا على كلام شذى قائلا: "معرفش ليه عدم حب النجاح للغير .. حاجة تحزن بصراحة".