أفكاري

ركضت ألحق الهارب ومتمرّد افكاري
أبا اقضب عنان الطّامح الجامح العاصي
أبا اجمع شتاتي عقب رحلات غرباتي
تعبت وْجرحني - يا هل المعرفه - دربي
وراها توارَى من ورا حاضر ايامي
وراها توارَى عجزي تْشوفه عْيوني
حبسني رماني بالثّرى والسّما حلمي
أروّح (1) لها صوتي مع رايح النسمه
ويمسي عليّ الّليل خالي وانا خالي
نجوم السّما تدح وليلي بها ساكن
ويا فكري الهارب ويا نوري الغارب
وانا لو عذرت الغير ما أعذر افكاري

أبا روّض الفكره علَى حالي الجاري
أبا المس حنان السّاهم الحالم السّاري
واناغم هواجيسي على باكي اوتاري
وطالت مسافاتي وانا اطارد افكاري
وراها تسافر من ورا قدرة اسفاري
وراها تطير وكلّي قيود واعذارِ
أغازل سحاباتي وانا اكتب لها اشعاري
واقول امطري يا غيمتي جفّت انهاري
لا باح لي سرّه ولا بحت باسراري
عجيب السّكون بْليل فيه الفلك جاري
بدونك فراشاتي تهاوت علَى ناري
أنا مواطن افكاري ودار الفكر داري