رسالة مؤثرة جداً من إيميه صياح إلى عاملتها المنزلية... وصورتهما تُشعل إنستغرام

28 نيسان 2017

نشرت الممثلة ومقدمة البرامج اللبنانية إيميه صياح، عبر حسابها على «إنستغرام» أخيراً، صورة لافتة جمعتها وعاملتها المنزلية أثيبوبية الجنسية.

وقد حققت الصورة أكثر من 18 ألف إعجاب. كما حازت على الكثير من التعليقات التي أثنت على طيبة النجمة ومشاعرها الإنسانية.

واللافت أن إيميه أرفقت الصورة برسالة مؤثرة وجهتها إلى العاملة وكتبت: «بعرف انّو ما رح تقري هالكلام، قلتلّك أحلى منّو بكتير، مش ناطرة انستغرام. بس عبالي عبّر قدّام الكلّ حتّى نقدّر قيمة «عرق الجبين» وقيمة التضحيات اللّي عم تنعمل كرمال راحتنا».

وتابعت: «لمّا وصلتي على بيتنا من 6 سنين، كنت عم قلّها للماما مش عارفة كيف بدّي أتعوّد على شخص غريب بالبيت. وهلّأ عم قلّها، كيف بدّي أتعوّد على البيت بلاكي. حبّيناكي كتير، وتعلّقنا فيكي لأنّو ولا أهضم منّك. ضحكنا وبكينا وحضّرتي العرس معنا، وحضرنا دراما سوا وهيدا غرامك. شكراً على تعبك معنا، شكراً على محبّتك وطيبتك، وشكراً لأنّو ضحّيتي هلقد».

وختمت رسالتها بالقول: «أنا مبسوطة انّك راجعة ورح تكوني عروس حلوة بس ما رح خبّي انّو زعلانة ورح اشتقلك كتير وانشاالله أقدر زورك بأثيوبيا شي يوم. بحبّك كتير Beky».