نعمة النسيان

يا نعمة النسيان يا رحمة الله

                          لولاك أنا عزّاه وش كان سوّيت

لو اذكر الّلي كان دقّه وجلّه

                          ما كان ساعه في حياتي تهنّيت

لولاي أسلّي خاطري جاه علّه

                          وارتاح لين ارسلت بعض التناهيت

لَى ضعت بالنسيان وقتي يدلّه

                          ولّيت يا وقت العنا كيف عيّيت

خلّ الفكر يرتاح والقلب خلّه

                          في غيمة النسيان يلقَى بها بيت

أسجّ(1) بعض الوقت ما هوب كلّه

                          واعود كنّي ما عن الحال سجّيت

واشوف كلّش ثابتٍ في محلّه

                          عن واقع الايام ماكنّي اقفيت

هذا ضحَى شمسي وهذاك ظلّه

                          والليل رعشة ساريات المواقيت

(1) أسج: أهيم مع الخواطر.

مقالات ذات صلة

لا ترحلي

أحَبّ الناس

الأمير خالد الفيصل