فنان شاب يعتزل بسبب محمد سعد! إليكم التفاصيل

03 نيسان 2016 | القاهرة (لها)

أعلن الفنان الشاب هادي خفاجة في بيان له على صفحته الشخصية على موقع "فايسبوك" اعتزال التمثيل فى مصر نهائياً، بسبب موقف محرج تعرض له من فريق عمل برنامج "وش السعد"، والذي يقدمه الفنان محمد سعد، مشيرا إلى أنه سيكمل مشواره الفني فى دول أخرى تقدر الإنسانية.

وحكى هادي ما حدث معه قائلاً: "قررت أنا هادي خفاجة اعتزال التمثيل نهائيا فى مصر وده بسبب الموقف اللي انا هاحكيه هو موقف فى قمة قلة الذوق اللي ف الدنيا جاتلي مكالمة الساعة12 بليل ان محمد سعد عايزني فى تصوير فى حلقة من برنامج وش السعد وانه عايز يقعد معايا طبعا انا لبست وروحتله الساعة 1 بليل كان موجود الكاست كله ونجوم الحلقة ايتن عامر ومنة عرفة وعملنا بروفة واتفقت مع مدير الانتاج والملابس وكل حاجة واستاذ سامح عبدالعزيز المخرج قعدت معاه واتكلمنا عن الشخصية واتفقنا ان التصوير بعدها بيوم خلصت كات الساعة 4 الفجر وروحت البيت".

ونشر خفاجة صوراً لورق السيناريو، وتابع بالقول: "نمت وصحيت استعديت نفسيا اني رايح التصوير وحفظت السيناريو كان المعاد الساعة 5 المغرب لقيت اتصال وانا فى الطريق الساعة4 العصر من واحد من مساعدين الإخراج بيقولى استاذ هادى احنا اجلنا الاسكتش بتاع حلقة حضرتك وهنكلمك نقولك امتى التصوير انشاء الله ..افتح التلفزيون من شوية ألاقى الاسكتش بتاعى اتصور بممثل تانى ؟؟طب ليه اللف والدوران الحمدلله تاريخى مش هيقف على حلقة بس موضوع تقديرانا احبيت احكى لانى وسط حاجات كتير حصلتلى مكنتش مستحمل حركة زى دى وبكرة بإذن الله هكون فى نقابة المهن التمثيلية وهاسلم استاذ اشرف زكى عضوية النقابة لأنها متلزمنيش فى شئ دلوقتى بس بجد كفاية تدمير فى المواهب وإحباط فى الناس لأن الوسط بجد أصبح عصابات تتحكم فيه"

وأنهى الفنان الشاب كلامه قائلاً: "ده قرار نهائى بجد بينى وبين نفسى مش هرجع فيه".