بالصوت ـ قصيدة للشيخ حمدان يرثي فيها أخاه الشيخ راشد

بعد مرثية الشاعرة الإماراتية خلود ابراهيم سعيد، في الشيخ راشد بن محمد آل مكتوم، نجل حاكم دبي محمد بن راشد آل مكتوم الذي وافته المنية السبت الماضي إثر نوبة قلبية، نشر الشيخ حمدان بن محمد، ولي عهد دبي، على حسابه على تويتر قصيدة مسجّلة من أشعاره يرثي فيها أخاه الشيخ راشد:

وتقول القصيدة:

سـالـت دمـوع أحـمـد حفـيد اللي لهم طيبٍ وجاه

قـلـت الـدمـوع تـتـرجـم اللـي مـسـتحـيـل يترجمه

هـاجـوس شـاعـر لـو تـنـاقـل شـعـره كبار الرواه

بـعـض الـمـواقف يستحي عن وصفها حبر قلمه

والله يــا أحمـد لـو تعـرف الصـدر هـذا وش وراه

وراه حـــزن لــو بـغـيـت أكـتـمه وشـلـون أكـتـمـه

حزني عـلى راشـد هـو أغـلـى حزن وأنا من نباه

الطـيـب أوصـيـت الـعـيـون انـهـا بـدمـعـي تكرمه

لـو الـحـزن يـقـدر يـردّه مـا ذخـر جـفـنـي بـكـاه

حزنت لين الشمس تصبـح في عـيـونـي مظـلـمـه

لـو أتـمـنّـى شي مـن دنـيا الـفـنـا كـان الــمـنـاه

إن الـعـمر يـقـسـم مـا بـيـن اثـنـين حتى أقـسمه

واعـطـيــه نـصـف العمر واشوفه على قيد الحياة

واعـلّـمــه وش كـبـر قـدره فـي الـصـدر واعـلّـمــه

إنّـه هـنـا فـي الـقـلـب لـيـن الـعمر ياصل منتهاه

وانّـي أحــارب حــزنـي بـذكـره وطـيـبـه واهـزمـه

أهـزمه قـدّام الـعرب واتـحسّب إن قلبـي حـصـاه

وإن صـرت بـلـحـالي كـوى كبدي بحامي ميسمه

وأحـس بـالـكـيّـة فـي وسط الـقـلـب من كل اتجاه

أكـابــر بـعــزّة ونـفــسـي لـلـحــزن مـسـتــسـلـمة

فـي كـل دارٍ زرتـهـا لـي أطـيـب الـذكـرى مـعـاه

لـكـنّـهـا صــارت بــعــد فـرقــاه ذكــرى مـؤلــمــة

واللي يـفـاخــر بـيـن خـلـق الله بـكـثـرة أصـدقـاه

إن كان مـا يـفـهــم مـصـيـر الـنـايـبـات تـفـهّـمــه

والـنـعـم فـي الـصـاحـب لـكـن الأخ يفرق مستواه

عـن مـسـتـوى صـديـقـك اللي يحشمك أو تحشمه

الصـاحـب فـ لحـظـة غـضبه يضيع طيبة في رداه

يـبــيـع حـبّـه بـأرخــص الأثـمـان مـهـمـا تـخـدمـه

وأخـوك مـا يـقــدر يـبـيـعـه لأنّــه أصـلاً ما شــراه

خُـلــق وحـبّـك وسـط خـفّـاقـه ويـجـري فـي دمـــه

يـزعـل لـكـن لا قـلـت له يا أخوي يحتضنك رضاه

دائـم أحــاســيـس الأخــوّة بالـمحـبّـة تــلــهـــمــه

كـلـمـة أخي من فم أخي أجمل ما تنطقه الشفاه

لأنّــه مـنـبــعـهـا خــفــوقـه قــبـل يـنـطــقـهـا فـمـه

لـيـت الـقـبـر يـعـرف مـقـام اللـي دفـنّـا فـي ثـراه

يـا مـأعـظـمـه حـيٍّ وهـو مـيّـت بـعد يا مأعظمه

ما عاد لك يا أحمد ولا لي غير ندعي في الصلاه

ونـقـول يـا راحـم عـبـيـدك مـن عـذابــك تـعـصـمـه

قـبـلـه جـنـود بـلادنـا ضـحـّوا لـجـل تـذعـن عــداه

ألله يــصــبّـــرنـــا عــلــى فــرقــاه والله يــرحــمـــه

مقالات ذات صلة

بافلوفا الفراولة والشوكولا

هذه الروائح في جسمكم تدلّ على الإصابة بأمراض خطيرة