زوجة وائل كفوري تتغزّل به على تويتر

13 أيلول 2013

بعد شائعات الطلاق التي طالت زواجها، أطلّت زوجة النجم وائل كفوري أنجيلا بشارة عبر تويتر لتتغزّل بزوجها بمناسبة ذكرى ميلاد ابنتهما ميشيل. وكتبت أنجيلا تغريدة أعاد نشرها وائل جاء فيها:

"من شهر أيلول 14 و10 أجمل يومين، إنتَ (أي وائل) وميشيل خدوا عيوني الإثنين، بطلب من ربي يخليلي ياكن حدي، وغير سعادتكن أنا والله ما بدي".

وكان وائل قد عبّر عن فرحته بهذه المناسبة من خلال كتابة زجل لابنته وجمهوره يقول فيه: "بعمري ما بحكي شِكلين، وقد الكلمي عا مرتين، إنتو بعمري أغلى اتنين، وما في أغلى من العينين، ميشا عين وإنتو عين، ويقبروني هل العينتين".

ومعروف عن وائل حبّه للزجل الذي يعتمده دائماً في تغريداته حتى تلك التي يتحدّث فيها عن مرضه، فكتب:

"هيك بلّش الإتصال وهيك انتهى"

يا دكتور الله يخليك

تعبان كثير ولو فيك

عالعيادي تا لاقيك!!

قللي parfait magnifique!!

لا تجيني...ولا بجيك

من صوتك قادر داويك

بلّشلي vitamine c

ويوميي antibiotique

عا مدة خمس تيام

دكتور: magnifique