ماذا كتبت ليلى علوي في أول تصريح لها على صفحتها بفيس بوك؟

12 أيار 2015 | القاهرة (لها)

بعد تأسيسها لصفحة رسمية لها عبر موقع فيس بوك لمحاربة منتحلي شخصيتها ولرغبتها في التواصل مع جمهورها، فاجأت الفنانة ليلى علوي محبيها بنشر تفاصيل وأسرار أول فيلم شاركت في بطولته، وكشفت عن النجمة التي ساندتها وكان لها الفضل في دخولها السينما، وكتبت: "حكاية أول بطولة.. أول فيلم أقوم ببطولته كان "البؤساء".. وكنت مرعوبة وقتها، لأنني هأمثل مع عملاقين وهما يوسف وهبي وفريد شوقي، والذي رشحني للبطولة وقتها النجمة الكبيرة هدى سلطان، وده بعد ما شافتني في مسرحية "ثماني ستات" وكانت مبسوطة مني جداً، ووقتها قررت تعزم مخرج الفيلم عاطف سالم عشان ييجي يشوفني في المسرحية، واتبسط جداً، ووقتها قرر يسندلي البطولة رغم إني كنت صغيرة ولسه بروح المدرسة، وكانت ناهد فريد شوقي تضطر تجيلي كل يوم المدرسة عشان تخدني للتصوير".

وأضافت: "أصعب حاجة إن أول مشهد كان مع يوسف وهبي، وأكيد كنت خايفة جداً، ومش عارفة هعمل إيه، لكن لقيته نداني وبدأ يتكلم معايا قبل التصوير؛ عشان يحاول يكسر الخوف اللي جوايا، وسألني إنت عندك كام سنة؟ وساكنة فين؟ وفي مدرسة إيه؟ ولما لقاني مش خايفة منه وبتكلم معاه عادي؛ قال للمخرج يلا إحنا جاهزين".