أحمد حلمي: حواري مضروب إلا إذا كنت أتكلم وأنا نائم

أعلن النجم أحمد حلمي, من خلال حسابه الشخصي على فيس بوك، غضبه من قيام إحدى الصحف العربية بفبركة حوار له، وهو ما اكتشفه صدفة بمساعدة صديق له، وكتب حلمي التفاصيل قائلاً: "جالي "ماسيج" من صديق مكتوب فيها "بص كده على اللينك ده، كلامك غريب جداً" مفهمتش "الماسيج" بصراحة، بس دوست على اللينك ففتحت صفحة لجورنال عربي معروف، لقيت صورتي وتحتها حوار طويل وسين وجيم، المفروض إن ده حوار أنا عملته مع صحفي في الجريدة دي، بس إزاي!!، ده أنا بقالي سنين معملتش أي حوارات صحفية، إلا إذا كنت باتكلم وأنا نايم بقى، ولما قريت الحوار فهمت "الماسيج" بتاعة صديقي الصحفي، إن كلامي غريب، ده مش بس غريب، ده كمان مريب، فرديت على "الماسيج" بتاعة صديقي وقولتله "تصدق فعلاً كلامي غريب جداً، عارف ليه، لأن مش أنا اللي قايله، ده كلام مضروب".

أنا حبيت بس أقول إن أنا معملتش أي حوارات صحفية خالص، وأي حوار أو كلام أو رأي منشور أنا ماليش دعوة بيه، ولا يمثلني في شيء، شكراً".

مقالات ذات صلة

روجينا تنشر صوراً نادرة في رحلة مع نجمين شهيرين

أحمد حلمي يدعم منى زكي بعد ترشيح فيلمها للأوسكار بطريقة كوميدية

أحمد حلمي فايس بوك