سايق الخير
سايق الخير ساقك يم عاشق جمالك لو تاخّرت اباصبر لو هي الفين عام أسفرتْ وانورتْ من يوم شعشع هلالك فزّ قلبي لفزّك يا ظبيّ العدام* أنزل القلب وامر مابه إلاّ حلالك واشهد انّه حظيظ الّلي غدا لك مقام ما يسد بْمكانك غيرك احدٍ بدالك بانيٍ لك قصور وبانيٍ لك خيام عقب رمضا زماني جيت أدوّر ظلالك بل ريقي بقربك عقب طول الصيّام كل شيٍ تبسّم يوم لامس دلالك كل نارٍ كوتني منك صارت سلام *ظبيّ العدام: الظبي الذي يعيش في التلال الرملية. والعدام أو العدامه هو الطعس الرملي أو التل الرملي.
|
الأكثر قراءة
المجلة الالكترونية
العدد 1077 | آب 2024