من عذابي

من عذابي قلت لعيونك هلا

                              يا هلا بك يا عذابي يا هلا

ما يكفّي لوعتي بك من غلاك

                              رحت تبعد عن عيوني يا غلا

تحسب انّي ساليٍ مثلك وانا

                              في هواك - الله حسيبك - مبتلَى

ما يسلّيني مكان وْلا زمان

                              لا ولا غيرك حبيبٍ لا ولا

قلبي الّلي ما يطيع لمن بغاه

                              من نظر عينك تعهّد بالولا

صار لك بالقلب مرباع وْمصيف

                              يوم غيرك من مرابيعه جلا

فيه لك مقيال عن حرّ الزمان

                              والدفا عن برد شمله بالخلا

مقالات ذات صلة

لا ترحلي

أحَبّ الناس

الأمير خالد الفيصل