ليت العمر يهدى

ليت العمر يهدَى.. أبَهْديك عمري

لو الهوَى المحبوس في جوف صدري

فيني غرامٍ فوق محمول صبري

صباحي أسرح لك وفي ليلي أسري

والله مالي غير الأشواق عذرِ

يا من يبيع الصّبر يا ناس واشري

يا مالك أمري وش نواياك بامري         

حالي غدا مثل المساويك مبري

أدري بحالك وانت بالحال تدري

تستاهل الأيّام يا زهو الايّام

يظهر علَى العالم غشَى العالم هْيام

وفيني خيالٍ فوق تصوير الأحلام

وإلَى هجع فكري خفوق الهوَى قام

والّلي عَرَفْ شوق المواليف ما لام

محتاج كل الصّبْر واصخي* بالاقيام

إرحم خفوقٍ عن هوَى غيركم صام

يا باريٍ حالي تَرَى البعد ظلاّم

يااللّه عَسَى ذا العَام أحسن من العام