يقابلني

يقابلني يهلّلي في سلامه

                         واذا قفّيت يرميني كلامه

أعرْفه لو تضاحك لي بسنّه

                         ظهر للخبث في عينه علامه

يبيّن لي من الظاهر مودّه

                         وفي قلبه بنَى بُغْضي خيامه

يدوّر عثرتي في كل مسعَى

                         مناته لو يقوّمها قيامه

وقفت.. وقال: ما يقدر وفاشل

                         وسعيت.. وقال: وش غاية مرامه

يأوّلْ كل فعل وكل كلمه

                          يسِنْ بْها علَى الغافل حسامه

خذاك الله يا عين الخطيّه

                         وراها ما تشوف إلاّ الملامه

وراها ما تشوف الصبح يضحك

                          وليل الحب يسري بابتسامه

مقالات ذات صلة

لا ترحلي

أحَبّ الناس

الأمير خالد الفيصل