حدّني وقتي

حدّني وقتي علَى شيٍ جديدِ

                           السّهر ماهوب من عادة عيوني

أبعدوني عن هوَى بالي وسيدي

                          ومْنعوا عني خطوطه ياصلوني*

شطّروني عنه في دارٍ بعيدِ

                          حسبي الله كانهم منه قْطعوني

صارت الفرقا لنا علمٍ وكيدِ*

                         ليتهم راحوا وانا عنده نسوني

عاقني عن صاحبي سورٍ حديدِ

                           دونه البْحور حرّاسٍ ودوني

الرّجا بك يابوخالد يا عضيدي

                          لا تخلّيني تراهم عذّبوني

*خطوطه ياصلوني: رسائله تصل إلي أو تصلني.

*وكيد: أكيد.

مقالات ذات صلة

لا ترحلي

أحَبّ الناس

الأمير خالد الفيصل