أجهد فواده

أجهد فواده بالعزم والشّجاعه

                            والقلب ما ساير قويّ العزايم

هذي سوات الّلي طويلٍ ذراعه

                            يمناه ما تلحق مداها القوايم

عزّ الرّفيق وللعدو سم ساعه

                            من طلعته معْ بيرق العز قايم

الحاكم الصّالح كثير الوراعه

                            ما يجنحه عن ماقَف* الحق لايم

بينه وبين المجد قرب وْرضاعه

                            من عهد ابوه وجد جدّه قدايم

وبينه وبين الهون بغض وْقطاعه

                            في دارهم والله ماله رسايم

وداع يا شيخٍ جرحنا وداعه

                            خالد ولد من صاحبته العظايم

 *ماقف: موقف.

مقالات ذات صلة

لا ترحلي

أحَبّ الناس

الأمير خالد الفيصل