يا شيخ

يا شيخ أشوفك شارد الذّهن مشغول

مثلك جعله الله علَى النّاس مسؤول

ومثلك يذبّ الرّيع والحمل منقول

ومثلك كما سيفٍ شطيرٍ ومسلول

ومثلك يفتّح بالرّجا كل مقفول

لا تشغل الخاطر ترَى العبد مكفول

حكمة عزيزٍ جاعل الغيب مجهول

آمر ترَى لازمك حاصل ومزهول

من راد بك شرٍ دحرناه مخذول

يجزاك ربي عن سجاياك بقْبول

الله يعينك يا نطيح الثقيله

من فوق حمله حمل غيره يشيله

يقطع به الفرجه* ولو هي طويله

لَى كبرت القاله فصلها فصيله

ضحكة حجاجه كل همٍ تزيله

عادات ربي في عباده جميله

والله جعل في كل قلبٍ دليله

بأرواحنا نشريه لو هي قليله

ومن راد بك خيرٍ نردّ بْمثيله

كم ناصرت يمناك معدوم حيله

* الفرجه: المسافة.