إشترك
محمد شاهين يكشف صعوبات دوره في "لام شمسية" (فيديو)
محمد شاهين
في لقائه مع برنامج ET بالعربي، كشف الفنان محمد شاهين، عن الصعوبات التي واجهها خلال تجسيده دور "وسام" المتحرش بالأطفال الذي قدمه في مسلسل "لام شمسية"، معرباً عن سعادته الكبيرة بردود فعل الجمهور على الشخصية، في المسلسل الذي يتم عرضه حاليًا في السباق الرمضاني 2025، وحقق العمل نجاحًا كبيرًا منذ عرض أولى حلقاته.
قال شاهين: "في الأول كنت خايف من ردود فعل الناس في الشارع لأنهم مصدقين وواخدين الموضوع بشكل شخصي أوي، ولكن دي حاجة مفرحاني إن الناس مصدقاني، وتاني حاجة إني أكون أفدت الناس".
تابع: "كل ما بيحصل حاجة سلبية لشخصية وسام الناس بتبقى ماتش كورة، شفت فيديوهات للناس على السوشيال ميديا على مشهد يوسف ووسام والناس فرحانين ومتفاعلين مع المسلسل ودي حاجة تفرح لأقصى درجة، ودي حاجة إيجابية والحمد لله إننا قدرنا نوصل للناس".
وعما إذا كان تردد قبل قبول الشخصية، قال محمد شاهين: "المخرج كريم الشناوي، قال لي على مشروع لام شمسية ده من سنة من وقت ما عملنا مسلسل الهرشة السابعة، وجالي البيت وقال لي فاكر المشروع ده أنا هعمله وأنت هتبقى معايا، والراجل ده أنا بحترمه وبثق فيه جدًا ووافقت على طول ومترددتش ثواني وكنت متحمس بشكل مش طبيعي".
واصل: "تركيبة الشخصية طلعت لوحدها كده، وقعدت مع دكتورة سارة عزيز علشان أفهم ثغرات الشخصية وفكرة إنه ممكن يبقى قريب من الضحية مش لازم يكون بعيد عنها، وكريم الشناوي كان في ضهري طول الوقت وكان بيحطني على الطريق طول الوقت، وعملنا الشخصية ووصلت للناس وكرهوها الحمد لله".
مقالات ذات صلة
الأكثر قراءة
المجلة الالكترونية
العدد 1083 | آذار 2025
