إشترك
بشرى تردّ على الهجوم ضد "سيد الناس" وتعلّق على عملها مع محمد سامي (فيديو)
بشرى
بشرى
بشرى
بشرى
بشرى
بشرى
في لقاء لها مع برنامج "ET بالعربي"، ردّت الفنانة بشرى على الجدل والانتقادات التي توجّه الى مسلسل "سيد الناس"، الذي تشارك فيه ضمن السباق الدرامي الحالي، كما تحدثت عن تجربة عملها مع المخرج محمد سامي للمرة الأولى في مشوارها الفني.
وقالت بشرى: "هو في مسلسل مش عليه جدل ولا انتقاد ولا هجوم لو اتفقت الأذواق هتبور السلع، مفيش مسلسل لمحمد سامي مش عليه جدل، وهو عنده مسلسلين هذا الموسم أنا بتفرج على "إش إش" وبحبه جداً مشدودة ليه أنا والأسرة واتفرجنا قبلها على "نعمة الأفوكاتو"، أنا مليش دعوة بحالة الجدل أنا ليا اللي قدامي بيبسطني بالعمل ولا لأ، أنا مشدودة ولا لأ قفلة الحلقات بتشجعني أشوف الحلقة اللي بعدها ولا لأ إنما الكلام الكتير دي بقت سياسة السوشيال ميديا في أي حاجة، مبقتش فارقة بالنسبة لي اللي يهمني العمل وردود أفعال الناس العادية الطبيعية اللي في الشارع".
وعن تعاونها للمرة الأولى مع المخرج محمد سامي، قالت بشرى: "المخرج محمد سامي دايماً عليه حالة جدل مستمرة حبيت أستكشف هل الجدل دا على حق ولا الكلام دا كله هجص زي ما بيقولوا، لقيت إن هو راجل بيحب شغله أوي ودقيق جداً ولما بيزعق أو بيضايق بيبقى عشان في استهتار أو في ناس مش ملتزمة ومش دقيقة بعض الناس معندهاش ضمير في الشغل بيبقى غضبه على حق لكن هو بيحترم المحترم وبيقدّر الشاطر جدا والمستهتر أو اللي محتاج إنه يركز أكتر هو اللي بيتكلم معاه".
وعن تشبيه البعض لمسلسل "جعفر العمدة" بمسلسل "سيد الناس"، قالت بشرى: "أنا متفرجتش على "جعفر العمدة" العيلة عندنا في البيت اتفرجوا عليه أنا وقتها مكنتش في مصر ومتفرجتش عليه فمقدرش أقارنه بمسلسل "سيد الناس" خصوصاً وأنا شغالة فيه فشهادتي مجروحة في كل الأحوال".
مسلسل "سيد الناس" هو بطولة: عمرو سعد، خالد الصاوي، إلهام شاهين، منة فضالي، أحمد فهيم، رنا رئيس، نشوى مصطفى، ريم مصطفى...، ومن تأليف وإخراج محمد سامي.
مقالات ذات صلة
الأكثر قراءة
المجلة الالكترونية
العدد 1083 | آذار 2025
