أحمد فهمي يوجّه رسالة الى فريق عمل "في لحظة"

27 شباط 2025 | القاهرة - "لها"

أحمد فهمي

نشر الفنان أحمد فهمي، نجم فريق "واما" عبر حسابه الخاص في "إنستغرام" فيديو وجّه من خلاله رسالة الى فريق عمل مسلسل "في لحظة"، الذي يخوض به السباق الدرامي الرمضاني، وذلك قبل عرضه بساعات قليلة.

وظهر فهمي في الفيديو وهو يقود سيارته ويغنّي أغنية المسلسل، وعلّق على الفيديو قائلاً: "أولاً كل سنة وأنتوا طيبين ويارب رمضان يكون شهر الخير علينا كلنا يارب... مبسوط إني السنادي بشارك في رمضان بمسلسل قريب جداً من قلبي وهو مسلسل "في لحظة"".

View this post on Instagram

A post shared by Ahmed Fahmi (@fahmi173)

وأضاف: "وعايز أشكر كل الفنانين والعاملين في المسلسل من أصغر حد لأكبر حد... المنتجة الشاطرة الفاهمه أختي سالي والي، أخويا الشاطر الفاهم صاحب الرؤية المختلفة واللي خلاّني أتغير تماماً وأعمل حاجات في المسلسل مختلفة عني الأستاذ أحمد خالد... والمبدع الذكي الكاتب الكبير اللي مكنتش بحتاج شرح عشان نفهم بعض الأستاذ هشام هلال، أول مرة أشتغل أنا وميرنا نور الدين حقيقي ممثلة شاطرة ومجتهدة وذكيه وبتحب شغلها والكيميا بنا إن شاء الله تحسّوها، مبسوط إننا بنشتغل سوا السنادي".

وأردف بالقول: "نجلاء بدر بجد ممثلة مبدعة ودورها صعب جداً بس عشان شاطرة عملته بطريقة ممتعة وسهلة بدون أي تصنّع، إدوارد أخويا اللي بجد السنادي مختلف تماماً عن أي حاجة عملها قبل كده ومبسوط إننا بنشتغل سوا من بعد "خليج نعمة"... فيه بقى مجموعة من الممثلين اللي بجد كنت منبهر بالموهبة والشطارة وبجد مبدعين مين هما بقى... أحمد ماجد- سارة الشامي- يوسف عثمان- جالا هشام- يوسف وهبي- ملك بدوي- بتول حداد- سالي فتاح... والأستاذة الكبيره العظيمة صفاء الطوخي، وطبعاً أخويا اللي اتشرّفت بوجوده نور محمود، أختي الشاطرة الستايلست الجامدة ندى حسام".

واختتم أحمد فهمي منشوره قائلاً: "رجالة الإنتاج الجامدين قوي مصطفى غازولي وعلي علام وأسامة وياسين، وإخواتي اللي في ضهري شريف ومحمد وأحمد وزيزو وأحمد وغرام، وأخيراً عايز أشكر مدير التصوير البوب اللي عامل صورة مش طبيعية على الحلاوة والشطارة، ربنا يكرمنا والمسلسل يعجبكوا... رمضان كريم".