تامر حسني يعلّق على نجاح حفله في الرياض

أعرب الفنان تامر حسني، خلال المؤتمر الصحافي الذي أقيم بعد حفله في الرياض بالمملكة العربية السعودية، عن سعادته بنجاح الحفل بجانب حديثه عن تقديمه للمواهب الشابة، وتعاونه مع هيئة الترفيه بالمملكة خلال أفلامه.

قال تامر: "حفلة عظيمة وراقية وكالعادة كل ما باجي الرياض بقول دي أحلى حفلة وبلاقي اللي بعدها أحلى، الجمهور كل مرة بيفاجئني حفاوة أكتر وعدد أكتر الحمد لله".

وعن حرصه على تقديم المواهب الشابة، علق تامر حسني: "وأنا من يوم ما طلعت وأنا معايا شعراء وملحنين وموزعين جداد وكل سنة ببقى مصمم إني أقدم معايا 3 أو 4 جداد، أنا مبيعديش سنة غير لما أقدم ناس جديدة، وأنا بستمتع بده، لأن وأنا بطلع كان نفسي حد يحس بيا ويطلعني وعانيت كتير لغاية ما قابلت سلمى الشماع ونصر محروس اللي اكتشفوني، فأنا على قد ما أقدر بساعد الشباب علشان ميشوفوش المعاناة اللي شفتها.

أضاف: "التأليف والغناء والتلحين والإخراج بيحتاج مجهود كبير، ولكني من صغري بدور على الاختلاف وبقول مفيش مستحيل، أنا كتبت فيلم بحبك وأخرجته وعملت موسيقاه التصويرية وكل الناس قالت مستحيل ينجح ومحدش بيعمل كل ده وينجح، ولكن الفيلم نجح الحمد لله وعمل أعلى إيرادات في التاريخ، فأنا بتشرف بعمل زي ده وعايز أقول للشباب إن مفيش مستحيل".

أما عن التعاون المصري السعودي في الأعمال الفنية، فعلق تامر حسني: أتشرف بالتعاون السعودي وإحنا عملنا فيلم (مش أنا)، وهيئة الترفيه بالسعودية ساعدتنا فيه لأنه كان أول فيلم مصري يتصور في السعودية، وفيلم (البدلة) كان أول فيلم مصري يتذاع في سينمات السعودية، وهما على طول داعمين".

مقالات ذات صلة

تامر حسني يحسم حقيقة عودته الى بسمة بوسيل (فيديو)

تامر حسني يتعرض لموقف محرج بحفل رأس السنة في دبي (فيديو)

تامر حسني الرياض المملكة العربية السعودية هيئة الترفيه التعاون المصري السعودي فيلم مش أنا سينمات السعودية فيلم بحبك