بسمة بوسيل تكشف للمرة الأولى تفاصيل انفصالها عن تامر حسني

تحدّثت الفنانة بسمة بوسيل للمرة الأولى عن تفاصيل انفصالها عن الفنان تامر حسني، والد أبنائها، مؤكدةً أن العلاقة بينهما جيدة بعد الطلاق، كما كشفت عن تفاصيل عودتها الى الفن.

وقالت بسمة بوسيل في تصريحات إعلامية على هامش تواجدها في "موسم الرياض": "مكنش ينفع أغنّي وأنا متجوزة، ورجعت أغنّي بعد الطلاق، وأنا ولادي وعائلتي عندي بالدنيا، وكل حاجة عدّت كانت مستاهلة اللي عملته، ومفيش حاجة اسمها استراحة محارب، هو أنا كنت بحرّر أرض محتلة؟، أنا رجعت علشان بحبّ الغناء".

وأضافت: "وأنا صغيرة كنت عارفة إن العائلة أهم حاجة بالنسبة ليا، ولما كبرت وعملت كل حاجة علشان أفضل في العلاقة ومينفعش مشيت مع الحياة، ومقعدتش أعيط وأقول مش هعرف أعمل حاجة، دوّرت أنا عايزة إيه ورجعت للغناء، أنا عملت في حياتي تضحيات كتير علشان عائلتي، ولكن زي ما ربنا بيأذن بالجواز بيأذن بالطلاق، وكل حاجة مكتوبة في كتاب مينفعش نهرب منها".

واختتمت بسمة بوسيل حديثها بالقول: "تامر حسني داعم ليا، ولو فيه أغنية عجبتني واتباعت بكلّمه، وهو بيحاول ميخليش حاجة في نفسي، ومهندسين الصوت بتوعي هما مهندسين الصوت بتوعه، وأنا عندي 33 سنة، ومفيش حاجة عملتها ومكسبتش منها، أنا حالياً مركزة أوي في الغناء، وعايزة يبقى عندي فن والناس بتسمعني بجد وتحس باللي عايزة أقوله".

مقالات ذات صلة

نجوم الفن يحتشدون في عزاء شقيقة عادل إمام... و"الزعيم" يغيب (فيديو وصور)

مي عز الدين بظهورها الأول مع زوجها في مناسبة فنية بحفل "شاهد" (فيديو وصور)

بسمة بوسيل تامر حسني طلاق النجوم نجوم الفن مشاهير الفن