إسعاد يونس تستعيد مع يسرا ذكريات عملهما مع عادل إمام

قالت إسعاد: "الفيلم كان صعب لأنه تأليف وإخراج رأفت الميهي وهو من عباقرة السينما المصرية، الوحيد اللي كان فاهم الفيلم هو عادل إمام، إحنا بنصور وبنحاول نفهم إحنا مش عميقين، عادل إمام كان فاهم المورال اللي ورا الفيلم".

تابعت: "كواليس التصوير كانت رهيبة روحنا نصور في الإسماعيلية وكان فيها حي جديد محدش ساكن فيه يا دوب البيوت واخدة اللون، ونزلنا في أوتيل أنا ويسرا مع بعض في أوضة فيها سريرين وحوض بس، في تفاصيل كتير يصعب شرحها".

أكملت: "في يوم أخدونا هنصور في الشقة اللي بنعيش فيها كانت دور أرضي، الحي فاضي تمامًا دخلنا نصور طلعنا لقينا الإسماعيلية كلها برا البيت، وقتها كانت الدنيا مطرة وحطولنا طوب نعدي عليه جرينا بسرعة وقعدنا في مدرسة فاضية عقبال ما يمشوا الناس، فضلنا محبوسين لفترة ولقينا النسخة الأولى من الفيلم وبقينا نتخيل المشاهد بطريقة غريبة".

واختتمت إسعاد يونس حديثها عن ذكرياتها مع الفيلم قائلة: "من ذكريات الفيلم إنه انتهى بمشكلة كبيرة كنا هنتحبس وحصل قضية ومعرفش ليه اتهمت إني واقفة في المحكمة بغري الهيئة وأنا لابسة جلبية وطرحة وكنت هتحبس لكن عدت على خير والفيلم بقى من الكلاسيكيات ومن أهم الأفلام ونتج عنه الصداقة الطويلة بيني وبين يسرا".

ووجهت يونس رسالة إلى عادل إمام، بعد قرار اعتزاله الفن، مشيرة إلى أن قراره للاعتزال يُحترم مؤكدة أن مسيرته الفنية ستظل داخل قلوب محبيه.

قالت: "عايزينك تكون مبسوط ومرتاح، ومهما كان قرارك بنحترمه، ومترجعش فيه عشان تجامل حد، ومهم جدًا تبقى مع أحفادك وتشبع منهم وتلعب معاهم ودي لحظات ثمينة، وإنت جوا القلب والعين وفي الذاكرة مدى الحياة".

مقالات ذات صلة

نادين نسيب نجيم تتلقى هدية خاصة لا تقدر بثمن (فيديو)

المحكمة تفصل في قضية سرقة قصة فيلم "توأم روحي" لحسن الرداد

إسعاد يونس يسرا عادل إمام مهرجان الجونة السينمائي السينما المصرية مشاهير الفن