بالفيديو - طفلة "هند والدكتور نعمان" تظهر بعد غياب 40 سنة

26 تشرين الأول 2024 | القاهرة - "لها"

استضافت الإعلامية منى الشاذلي في برنامجها "معكم" الذي تقدمه عبر قناة ONE، أشهر طفلة في فترة الثمانينيات وهي ليزا، التي لعبت دور الطفلة هند في المسلسل الشهير "هند والدكتور نعمان"، وذلك في ظهور أول لها في مصر بعد غياب 40 سنة قضتها في الخارج.

استعادت ليزا كواليس مشاركتها في عدد من العمال الفنية في فترة الثمانينيات مع كبار النجوم منهم عادل إمام ويسرا ومحمد صبحي وكمال الشناوي.

وحكت ليزا عن كواليس مسلسل "هند والدكتور نعمان" قائلة إنها مرت بعدة اختبارات قبل أشهر من لقائها الأول مع الفنان الراحل كمال الشناوي، وكان عمرها في ذلك الوقت ست أو سبع سنوات، مضيفة: "روحنا مكان وكنت فرحانة ولقيت الفنان الكبير كمال الشناوي داخل، وكان قمر ومش عجوز لكن بيمثل إنه عجوز، وقعد يكلمني ويهزر معايا، وأنا قاعدة أقول كان بيمثل مع شادية في أفلام الأبيض والإسود وبحبه أوي ومش مصدقة نفسي، ولما سألني إنت عارفة أنا مين نسيت اسمه".

أوضحت ليزا سبب تصوير المسلسل خارج مصر قائلة: "المسلسل اتصور في تونس، أفتكر علشان يتعرض في العالم العربي كله مش في مصر بس، وفي أجزاء اتصورت في مصر زي الشارع اللي مسكت فيه المجرم والنادي".

تابعت: "فاكرة إن كمال الشناوي كان بيعمل ضفيرة شعري ودايما أزعل لما يسيب حتة منها، وفي تونس كنا علطول بناكل مع بعض".

وردًا على سؤال عن ذكرياتها مع الفنانة الراحلة رجاء الجداوي في المسلسل، قالت ليزا: "كانت عسل معايا، ولما آكل تقول يا ليزا بلاش تعومي بإيدك وإنت بتاكلي".

أوضحت ليزا أنها حزنت بسبب عدم تمكنها من لقاء كمال الشناوي ورجاء الجداوي أثناء زيارتها لمصر قائلة: "زعلت لما جيت مصر ولقيت الناس كلهم في السما، كنت أحب أشوفهم تاني، وكمان المخرج رائد لبيب، اللي كان بيجيبلي شوكلاتة كل يوم".

كما استعادت ليزا ذكرياتها مع الفنانة الراحلة زوزو نبيل قائلة: "كانت زي ماما وتقعد تحكيلي حكايات، وكنت حنينة أوي، وكنت حاسة إني قاعدة مع عيلتي".

وعن ذكريات الدور الذي لعبته في طفولتها في فيلم "كراكون في الشارع"، مع النجمين عادل إمام ويسرا، كشفت ليزا أن يسرا تعرضت لإصابة خلال تصوير أحد مشاهدها في الفيلم قائلة: "يسرا يا حرام كانت قاعدة على العربية الكارو اللي بتشيل عليها الخضار، والعربية الكارو دخلت في الحيطة ورجلها اتزنقت ولونها بقى أزرق وقالوا نبطل تصوير، لكن قالت عادي دي رجلي مفيش حد شايف وكملت تصوير عادي ولا كأن حاجة حصلت".

وأضافت ليزا: "عادل إمام ويسرا علموني ألعب كوتشينة، ومكانش شغل أنا كنت بروح الشغل معاهم عشان أضحك وانبسط".

تابعت: "عادل إمام عظيم وقلبه طيب وبيحب الناس، وكان يسلم على الناس بالحضن ويبوس راسهم".

وعن كواليس مشاركتها في مسرحية "الهمجي" أمام النجم محمد صبحي في طفولتها، قالت ليزا: "المسرحية دي بتخلي جسمي يقشعر وخصوصًا آخر مشهد، اشتغلت المسرحية لكن اتصورت بطفلة تانية".

روت ليزا كواليس تعرض محمد صبحي لإصابة خلال عمله بالمسرحية قائلة: "إحنا قعدنا وقت المدرسة 9 شهور نعمل المسرحية، وأختي كانت بتتجوز في شهر أكتوبر وأنا عايزة أروح الفرح، لكن منقدرش نقفل المسرح ولا ناخد يوم أجازة".

تابعت: "في يوم المسرحية كانت شغالة ومحمد صبحي كان بيعمل حركة ويا حرام عملها غلط ووقع على ركبته وكسرها، وفضل في الجبس 6 أسابيع، وأنا حضرت فرح أختي".

أوضحت ليزا أنها ترحب بفكرة العودة للتمثيل قائلة: "التمثيل فكرة طول عمرها كانت في مخي، لكن أخدت وقت أكون أم لعيالي، دلوقتي عيالي مش موجودين وفي أفكار وحاجات بتتعرض وبنشوف".