نصيحة خالد الصاوي لفقدان الوزن من دون ضرر

خلال لقائه في برنامج "كلام الناس" الذي تقدمه الإعلامية ياسمين عز على قناة mbc مصر، وجه الفنان خالد الصاوي نصيحة لجمهوره حول كيفية فقدان الوزن من دون أي أضرار وبعيداً عن عمليات التكميم والأدوية.

قال الصاوي إنه يخضع لحمية غذائية وتمكن من خسارة 20 كيلوغرامًا من وزنه، موجهاً نصيحة لجمهوره بالابتعاد عن الطرق السريعة لخسارة الوزن كـ"الحقن".

تابع: "خسيت 20 كيلو وناقص 20 كمان، وعايز أحذر الناس أنا أخدت الحقن حصلي كارثة بعد 3 أو 4 شهور حقنة منهم أدت إلى توقف الجهاز الهضمي وروحنا المستشفى وقعدت يومين، قلت لخبير التغذية واتفقنا إننا نرمي الحقن، يا جماعة خلوا بالكم الحقن دي مقصود بيها أن تسد النفس، بتوهم الجسم أن في حالة شبع وبتلعب في الجهاز الهضمي خلوا بالكم من الحقن دي".

أضاف: "التجربة أثبتت أن كل اللي عايز يوصل لحاجة بأرخص مجهود دي سكة فاشلة، لازم تعمل دايت وهو هيخسسك شوية بشوية ويكون في خبير تغذية بيتابعك، هتروح الجيم في حدود مسموح بيها دا المجهود اللي لازم تعمله، الحاجات السريعة زي فتح البطن لأ مش هعمل كده مش معقولة مش هفتح بطني عشان مش عارف أقفل بوقي".

أكمل الصاوي: "أنا على ما أخدت بالي أن شكلي مش تمام كان كل الناس بتقولي خس، لازم تبقى متواضع وتسمع للناس، بلاش المراية اللي بتطبطب عليك وتقولك أنت أحلى حاجة أو بتجلدك".

مقالات ذات صلة

ريم مصطفى تُنهي أزمات عمرو سعد في لقائهما الأول

النجوم يودّعون مصطفى فهمي بكلمات مؤثرة

خالد الصاوي فقدان الوزن كلام الناس