إشترك
خلال لقائها ضمن برنامج "من العلمين" المذاع عبر قناة ON، كشفت الفنانة ميرنا وليد سبب غيابها الطويل عن التمثيل وعدم مشاركتها في أعمال كثيرة بعد كل عمل تقدّمه.
وقالت ميرنا: "كل عمل بيبقى بظروفة يعني "ذئاب الجبل" بعده على طول دخلت معهد السينما قسم إخراج، درست إخراج فبعدت عن التمثيل تماماً، رغم أن الفترة دي كان لازم أستغلها في التمثيل لكن لما بتاخدي قرارات مصيرية في السنّ الصغير مش دا السنّ الصح اللي تاخدي فيه قرار في حياتك العملية".
وأضافت: "بعدها عملت مسلسل "قاسم أمين" وفي الوقت ده كان في حرب في العراق وسياسياً الناس مكنتش مهتمة، بعدها عملت مسلسل "قصة الأمس" واتجوزت وبقيت حامل في بنتي "مريم" وبعدها حامل في بنتي "مايا" وبعدها الثورة".
وتحدّثت ميرنا وليد عن الأعمال الفنية التي عُرضت عليها الفترة الماضية ولم تنل إعجابها، قائلةً: "المشكلة أن بعد ما تعملي عمل حلو أوي بيجيلك كمية أعمال كتيرة لكن بيكون في حاجات بيصعب عليكي أن تقبليها، مكنش ينفع أعمل أي حاجة بعد "قصة الأمس" واستنّيت يجيلي حاجة كويسة سنين لحد ما جالي "قيد عائلي" وهو كان عمل هايل ودوري كان جديد، المشكلة لما بتعملي عمل قوي بشيل هم بعده هعمل إيه، ولما بيجيلي أي حاجة بتصعب عليّ نفسي ونجاحي".
وأكدت ميرنا أنها لا تخاف من نسيان الجمهور لها بالقول: "مش بخاف إني أبعد عن الجمهور لأن الناس عوّدتني أن مهما بعدت بلاقيهم بيتعاملوا معايا على إني موجودة، كمان الأعمال الكويسة بتتعرض على طول، مثلاً "قصة الأمس" بقاله سنين لكن مفيش كل 3 شهور قناة ما بتعرضه و"ذئاب الجبل" لحد النهاردة بيتعرض".
يُذكر أن آخر أعمال ميرنا وليد الفنية، مسلسل "قيد عائلي"، الذي شارك في بطولته كلٌ من: عزت العلايلي، بوسي، ميرفت أمين، صلاح عبد الله، سيمون، هالة فاخر، نضال الشافعي، منة فضالي، دينا فؤاد، ميرهان حسين، محمد نجاتي...، وهو سيناريو وحوار محمد رجاء وميشيل نبيل، وإخراج تامر حمزة، وإنتاج ريمون مقار ومحمد محمود عبد العزيز.
