بالفيديو - نهى عابدين تتحدث عن رشاقتها وأدوار الإغراء

خلال لقائها في برنامج "حد النجوم" الذي تقدّمه سالي عبد السلام عبر القناة الأولى في التلفزيون المصري، أكدت الفنانة نهى عابدين أنها لا تهتم لزيادة وزنها، لأنها مقتنعة بحالها ومتصالحة مع نفسها.

وقالت نهى عابدين: "لما طلعت قلت إن الفنان يحيى الفخراني نصحني إني أخسّ لأني معنديش مشكلة في الموضوع وهو معاه حق، الممثلة لازم تحافظ على جسمها ووزنها".

وأضافت: "أنا بتخن وبخس، ودلوقتي وزني زايد ومعنديش مشكلة ومتصالحة مع نفسي، ممكن أتضايق لو حد بحبه وقالّي إني تخنت، لكن لو حد معرفوش عادي، ساعات حد ممكن يقولي على حاجة فيّ لأن كلنا فينا عيوب، لو حد قالي على عيب أنا ممكن أبقى عنيدة وأظهره أكتر".

وكشفت نهى عابدين عن رأيها في تقديم أدوار الإغراء إذ قالت: "إيه هي أدوار الإغراء أنا مش بحب التصنيف أنا ست ممثلة، اسمها أنواع تمثيل، أنا بشتغل ممثلة وبني آدم ممكن في أدوار أقدر أعملها وأدوار مقدرش أعملها، أطلع بقى أشتم في الأدوار اللي مقدرش أعملها وأزايد على زمايلي اللي بيعملوها دي قدرات نفسية ما يمكن أنا اللي معنديش الإمكانيات، أنا ممثلة المخرج بيختارني".

أما عن الأدوار الفنية التي ترفضها فقالت نهى عابدين: "الدور اللي أعترض عليه إني أكرر نفسي أو ألاقي دور مش هيضيف ليا فنياً أكون عملت رصيد فني ويتعرض دور أحس إنه هيقلّل مني".

مقالات ذات صلة

أول تعليق من ياسمين صبري بعد اعتذار محمد رمضان

بينار دينيز تستقبل مواودها الأول

نهى عابدين برنامج حد النجوم نجوم الفن مشاهير الفن