سوما: ابتعادي عن الغناء كان إجبارياً ولم أفكر في الاعتزال

28 تموز 2024 | القاهرة – "لها"

سوما

كشفت المطربة سوما تفاصيل جديدة وصادمة حول فترة مرضها وغيابها سنوات عن الجمهور، موضحة أنها بدأت تتعرض لأزمات صحية بداية من عام 2016 حتى تفاقم الأمر وأجبرت على الابتعاد عن الغناء، حيث كانت تعاني بشكل كبير مع المرض وقضت مدة طويلة في العناية المركزة.

وأوضحت سوما أنها كانت تعاني من مشكلة في الغدة النخامية حيث توقفت بشكل نهائي وتسببت في توقف أعضاء من الجسم عن العمل، مشيرة إلى أن الأطباء في البداية عجزوا عن تشخيص مرضها.

وقالت: "أنا من 2016 وقبل كده بدأت أمر بوعكات صحية مكنتش بعلن عنها وكان عندي مشكلة وكنت بضطر أدخل أعمل عمليات بمعدل كل أسبوعين أو تلاتة.. وبقالي 9 سنين تعبانة.. والعمليات اللي عملتها رقم كبير مش حابة أقوله.. ومكنتش بصرح أني تعبانة لأني مكنتش حابة يتفهم إني بستعطف الجمهور، وفي ناس افتكرت أن البعد بسبب مشكلة صوتي لكنها كانت اتحلت ودخلت في مشكلة أكبر ومرض أكبر".

وأضافت سوما: الغدة النخامية توقفت عن العمل وأعضاء من جسمي توقفت ومكنش فيه تشخيص للسبب ولا علاج وقعدت في العناية المركزة فترة طويلة، والدكاترة مش عارفين يشخصوا ولا يعالجوا لأن التحاليل كانت بتظهر مرضين عكس بعض، فمش عارفين يدوني علاج لإيه".

وواصلت: "وزني كان لا يتعدى 50 كيلو فجأة بدأت أحس أن جسمي بيورم مش بيتخن ويتنفخ وأطرافي بتورم جامد، ويوم عن يوم لقيت نفسي ضخمة وفضلت في تزايد ومكنتش باخد كورتيزون لحد ما بقيت 130 كيلو، ومكنتش عارفة أتحرك وقاعدة على كرسي وعضلاتي حصل لها ضمور والكلى بدأت يكون فيها مشاكل".

وأكملت سوما: "قصة كبيرة وصعبة وكنت بتمنى أقف على رجلي وأقدر أقوم لولادي وبيتي، وكرم من ربنا كبير إني قدرت أقف وأرجع".

وأكدت سوما أنها لم تفكر في الاعتزال مطلقًا، مشددة: "عمري ما فكرت في الاعتزال لأني بحب الغناء جدًا، والغناء مش زي ما الناس فاهمة شغل هو حياة وهواية وشخصية وبعبر عن كل حاجة في حياتي بالغناء لو زعلانة أو فرحانة، وربنا بيورينا أنه ممكن إزاي يغير من حال لحال والحمد لله إني وقفت على رجلي تاني".

وعن الدرس الذي تعلمته بعد مرضها قالت: "أهم حاجة في الدنيا الصحة من غيرها ولا شيء، وإحنا مش بنحس بنعم ربنا غير لما تتسحب مننا، وفكرة إني أقوم من على السرير كانت إعجاز وكنت بصحي جوزي أقوله إني عاوزة اتقلب الناحية التانية، الدنيا والصحة أهم حاجة ومش بزعل على أي حاجة لأن في ثانية كل حاجة بتروح وصحتي أهم حاجة.