رسالة حزينة من رانيا فريد شوقي لوالدها في ذكرى رحيله

نشرت الفنانة رانيا فريد شوقي على حسابها الخاص بـ"إنستغرام" مقطع فيديو جمعت فيها مجموعة من الصور من أعمال والدها الفنان الراحل فريد شوقي، عبرت من خلالها عن اشتياقها له، في ذكرى وفاته الـ26، حيث رحل عن عالمنا في مثل هذا اليوم من العام 1998.

وعلقت رانيا على مقطع الفيديو برسالة حزينة وجهتها له قالت فيها: "26 عامًا على رحيلك اتحرمت منك ومن حنيتك ودلعك وكنت أميرتك وماكنتش بشيل هم حاجة لأنك كنت سندي وضهري وقوتي ومصدر العطاء والسعادة وحصن الأمان، وساعات بسأل نفسي لو كنت لسه عايش يا ترى أنا كنت همر بكل اللي حصل لي في حياتي الإجابة أكيد لأ".

وأضافت: "كنت دايما بتتكلم معايا وتقنعني وتنصحني وتحميني حتى من نفسي وأموت ولا تزعل مني أنت وحشتني أوي وأنا دايمًا بتكلم معاك حتى لو مش سامعني بس برتاح لما أفضفضلك طب عارف إيه اللي بيهون عليا فراقك حب جماهيرك وكلامهم عنك بكل حب وأصحابك والعائلة وأمي الله يرحمها حتى هي سبتني وراحتلك وناهد أختي راحتلك قبلها سنة قاسية أوي عليا يا بابا بحاول أتعايش وأهرب للشغل، وأنا حقيقي وحيدة من غيركم مفيش حاجة تعوض الأب والأم يا رب قويني وصبرني".

مقالات ذات صلة

رانيا فريد شوقي: "الفنانون على باب الله"

وفاة أشهر طفل في السينما المصرية

رانيا فريد شوقي فريد شوقي