إشترك
حلّت الفنانة حورية فرغلي ضيفةً على أولى حلقات برنامج "نجمك مع يارا" المذاع عبر قناة "هي"، حيث تحدثت عن العديد من أمورها الشخصية والفنية، وكشفت عن عادة غذائية غريبة تمارسها يومياً خلال فترة معينة من الشهر، كما تحدّثت عن دعم الفنانة إلهام شاهين لها، وعلاقتها بالفنانة رانيا يوسف في كواليس عملهما معاً.
وقالت حورية إنها تتبع عادة غذائية غريبة، وهي تناول الخل كل يوم في صباح فترة معينة في الشهر، مضيفةً: "في فترة في الشهر البنات بتحب الشيكولاتة لكن أنا معرفش ليه بحب الخل، أول ما أدخل المطبخ أشربه وبكون مستمتعة جداً وعمري ما أتأثرت بشربه".
وعن أمنيتها التي لم تتحقق، قالت حورية فرغلي: "تمنيت الموت لأني كان نفسي يبقى عندي عائلة وأطفال أهتم بيهم، علشان أعيش ليهم وأشوف ولادي لحد لما يكبروا ويتجوّزوا". وأضافت: "أنا معنديش عائلة ولا أطفال وحاسة إني ربنا موفقنيش في الدنيا يمكن في الآخرة أتوفّق".
وتابعت: "حسّيت إن ربنا عوّضني في مسرحية "رابونزل"، لإن عمري ما تخيلت إني أمثّل مع أطفال ولا هيبقى جمهوري أطفال، جمهور الأطفال مش سهل ودي حاجة جديدة بس حبيتها... فيه بنت لقيتها بعد العرض جاية لي ولابسة نفس فستاني ونفس الباروكة، وقالت لي أنا كان نفسي أبقى زي حورية فحضنتها وحبيتها".
وعن تعاونها مع الفنانة رانيا يوسف للمرة الأولى في عمل فني، قالت حورية إن مسلسل "سيما ماجي" هو أول عمل قدّمته مع رانيا يوسف، وهي فنانة جميلة ومحترمة. وأضافت: "دوري في "سيما ماجي" هو دكتورة، وأول مرة أعمل الدور ده، معملتهوش قبل كده ولا حتى دور شبيه له".
وأردفت بالقول: "أنا عمري ما قابلت رانيا يوسف قبل كده ومحصلش بيني وبينها أي شغل وأنا معرفتهاش غير يوم التصوير وحسيت إني أعرفها من سنين، وبنقعد مع بعض في الأوضة وبنعمل بروفات مع بعض، سعيدة جداً وحاسة إني بتعامل معاها براحتي وبمثّل براحتي مش ببقى خايفة".
وعن علاقتها بإلهام شاهين ودعمها لها في أزمتها، قالت حورية فرغلي: "إلهام شاهين من أقرب الناس لقلبي، ووقت أزمتي كانت دايماً بتسأل عليا وبتكلّمني، وكنت عملت معاها فيلم "هز وسط البلد" قبل كده، وفيلم "الحب كله" تاني تعاون فني معاها وده حاجة تانية مختلفة خالص، العمل الجديد حاجة مختلفة خالص ويوم كل واحدة فينا بتعيشه وبنتكلم على اليوم ده بيحصل إيه".
