إشترك
نشرت الفنانة دانا حمدان عبر حسابها الخاص في "إنستغرام" فيديو استغاثت فيه بالجمهور طالبةً أن يدلّها أحدهم على طبيب يستطيع تشخيص مرضها والذي تعاني منه منذ ثلاث سنوات.
وقالت دانا: "فضلاً وليس أمراً، رجاء خاص تنشروا الفيديو ده بأكبر قدر ممكن، لأن أنا بقالي 3 سنين، بتشوفوني بضحك وبهرّج وبعمل فيديوهات وبسافر، لكن أنا بعاني معاناة ما يعلم بيها إلا ربنا، وعايشة في تحاليل وسونار وأشعات".
وأضافت: "أنا تعبانة من حاجة محدّش قادر يعرفها، كل ما أروح لدكتور يقولي مش شايف حاجة التحاليل كلها كويسة، فأنا هعرض حالتي هنا لعل وعسى فيه دكتور في مصر أو برا مصر يسمع الحالة بتاعتي ويدّيني حل لأني بتعذّب ومش عارفة أنام... من 3 سنين جالي ألم رهيب في جنبي الشمال، تحت عضمة الحوض، ساعتها الدكاترة أول حاجة قالوها اشتباه في القولون، لكن عملت منظار مفيش حاجة ومكنش فيه حاجة، والرحم مفيهوش مشكلة".
وأكدت دانا أن الألم يلازمها 24 ساعة، وحاولت تغيير نظامها الغذائي لتخفيف الألم ولم تنجح، كما أنها لا تعاني من أي أعراض مثل الإمساك أو الإسهال أو القيء، ولكنها فقط تشعر بالغثيان والدوخة.
واختتمت دانا حمدان حديثها قائلةً: "مؤخراً الألم انتقل لرجلي، وده كله مأثر على نفسيتي مبقتش عايزة أقعد في وسط الناس ومتعصّبة وتعبانة، فمحتاجة مساعدتكم".
