كيف تربّي النجمات العربيات أولادهنّ؟

28 حزيران 2024

على الرغم من انشغالاتهن الفنية، تهتم نجمات عربيات بأسرهنّ ويركّزن على الجانب التربوي المتعلق بأولادهن، وتتنوّع طرقهن في التربية بين الصرامة والصداقة.

نانسي عجرم: العقاب بدلاً من الضرب

لا تلجأ نانسي عجرم الى الضرب، بل تعتمد على العقاب، والذي وصفته بالضروري كي تتعلم بناتها ويعرفن الصواب من الخطأ. وشدّدت على أنها تتدخل في أدق التفاصيل المتعلقة بناتها، لافتةً إلى أنها أم تقليدية بالقول: "إذا طلبن أشياء صعبة أمام الضيوف، أهدّدهن مثل باقي الأمهات بمغادرة المنزل بسبب شقاوتهن".

منى زكي: الثقة أولاً

تحرص منى زكي على تربية أولادها على مبدأ الثقة في النفس، وعن تجربتها تقول: "كانت أول بنت ليا ومتخيلة إن الصح صح والغلط غلط، وفي عقاب وفي النوتي كورنر وكنت سخيفة، بعتذر لها على سخافتي، وبعد كده اتعلمت اني مسمهاش عقاب هي اسمها عواقب اللي انت بتعمله هيبقى كذا، ولازم طول الوقت تحاولي تفكريهم بالعواقب مش العقاب، واتعلمت ده مؤخراً، أكيد كلنا كأهالي أعصابنا بتفلت لأن احنا بني آدمين برده، بس برجع أعتذر لهم. التربية الإيجابية ناس كتير بتفهمها غلط... هي بتفهم إن أنت تبجح معايا وتبقى زيي زيك، غلط، الإيجابية هي اللي انتي بتديله ثقة في نفسه وهيتعامل مع الناس إزاي، وتكبري الحاجة الكويسة وتنميها".

أنغام: الخصوصية

أما أنغام فتراعي خصوصية أولادها، وعن ذلك تقول: "أحترم جداً خصوصياتهم وحريتهم واختياراتهم وعمري ما بفرض عليهم حاجة ممكن تضايقهم أو تحسّسهم إن في عيون عليهم، عايز تخرج معايا أو تروح معايا الحفلة، مش عايز خلّيك، طول عمري ببقى حريصة إنهم يعملوا اللي نفسهم فيه".

هنا شيحة: الاعتماد على النفس

وتشير هنا شيحا الى أنها تربّي أولادها على الاعتماد على أنفسهم وعدم الاتكال على الغير، فتقول: "ابني في البيت من وهو صغير لما بيقول عايز مية، بقوله قوم جيب مية، وضب سريرك... هو هيسافر برا هيدرس برا أو هيعيش لوحده لازم يبقى هو شخص كامل مش مستني حد يكمله حياته، مينفعش يعتمد على واحد أو واحدة في حياته".

وتضيف أنه يجب تربية الصبيان منذ صغرهم على التحلّي بالأخلاق النبيلة، موضحةً: "من وهو صغير بقوله ممنوع تمد إيدك على بنت، إنت راجل لازم تمسك أعصابك، أو تفتح لها الباب، لازم الراجل يبقى جنتلمان".

نور اللبنانية: الحزم والدلع معاً

وتفضّل نور التعامل مع أبنائها بالحزم والدلع معاً، وتقول:"أنا مدلّعاهم أوي وبرضه صارمة شوية، يعني عندي نظام وقت النوم نوم، مينفعش يسهروا مش عشان مبحبهمش لكن عشان دماغ الطفل لازم ينام، أيام المدرسة يناموا 7ونص أو 8، وفي الأجازة ممكن 9".

داليا مصطفى: ضد المباشرة

تتجنّب داليا مصطفى المباشرة في تربية أولادها، وعن ذلك تقول: "أنا مع ولادي بحاول قدر الإمكان مكنش دايركت لأن هما وصلوا دلوقتي لسن لازم تلف تدور عشان تقنعهم، فالموضوع صعب جداً، ولما ولادي حتى بيخرجوا مع حد، سلمى مثلاً تخرج مع صاحبتها بسمع صوتها وأقولها إنتي مع مين؟ وفعلاً بحاول أعرف الأمهات الأول لأن من الأمهات بيبان التربية. الله يكون في عوننا فعلاً لأن إحنا أمهاتنا مكنش فيه تكنولوجيا، وإحنا جيل جديد على التعامل مع التكنولوجيا دي ولازم منبقاش متأثرين أوي ومنبقاش خايبين أوي، فالموضوع لازم يبقى فيه توازن، أنا كل يوم بقعد أعيط والله".