كندة علوش تكشف مفاجأة جديدة بعد إعلانها إصابتها بالسرطان

كشفت الفنانة كندة علوش عن مفاجأة جديدة بعد إعلانها إصابتها بسرطان الثدي، في لقائها مع الإعلامية منى الشاذلي في بودكاست تقدمه على قناتها الخاصة بـ"يوتيوب"، حيث أعلنت تواصل اللاعب المصري محمد صلاح نجم المنتخب الوطني ولاعب فريق ليفربول الانجليزي، مع زوجها الفنان عمرو يوسف عارضاً سفرها للعلاج في لندن.

وقالت كندة: "محمد صلاح كلم عمرو يوسف وكان عارف إصابتي بالمرض، وقال له لو عايز تيجي لندن تكمل باقي التحاليل معنديش مشكلة، ولو عايز تيجي لندن في أي وقت لاستكمال العلاج أنا جاهز".

وأضافت: "محمد صلاح كلمني مرتين وقالي انتي ليكي عيلة تانية في مصر، إن شاء الله الأيام الجاية حالتك الصحية تتحسن".

كما كشفت كندة خلال الحديث عن مفاجأة غير سارة في فترة تلقيها العلاج الكيماوي، مؤكدة إصابة والدتها بنفس المرض، بنفس الوقت، وكانتا تتلقيان العلاج وجلسات الكيماوي معاً، مؤكدة أنها كانت تعتبرها جلسات علاج رفاهية وليس ابتلاء. 

وقالت كندة: "والدتي أصيبت بنفس مرضي، سرطان الثدي، في نفس وقت إصابتي، ومكنتش قادرة أستوعب اللخبطة دي وقولت أكيد دي رسالة من ربنا وبعدين بقيت أروح أنا وماما ناخد الكيماوي مع بعض، والكلمة اللي كانت على لسانا هي الحمد لله".

وأردفت: "شعري وقع بنسبة 60 في المئة بسبب الكيماوي واشتريت باروكة لكن ملبستهاش، والحمد لله وقع من كل راسي مش بقعة وكان باين إنه خفيف، ولكن ماما شعرها كله وقع وكان مضايقها".

واستكملت: مشوفتش المرض إنه ابتلاء خالص، وقررنا إننا مش هنقول خالص ولا هنعلن عشان مش عايزة أقلق الناس ولا أحبطهم، قررت أظهر بس وأنا قادرة أديهم أمل ومخاوفي كانت بشأن ولادي وخايفة إني مقدرش أعتني بيهم.

واختتمت كندة علوش حديثها: "وأعلنت دلوقتي عشان يمكن الجزء المتبقي من الرحلة عايزة دعوات من الناس ووقوفهم جنبي، وجلسات المستشفى بالنسبة لي كانت رفاهية لأني جاية من دوشة الأطفال، واعتبرتها فترة نقاهة".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

مشاهير الفن نجوم سوريا مشاهير الفن نجمات سوريا