تراجعت الفنانة إيمي طلعت زكريا عن تصريحاتها الأخيرة الغريبة التي أثارت حالة من الجدل خلال الساعات الماضية، بشأن معاناتها من الحسد والجن العاشق ووقف مشاريعها الفنية وكذلك الارتباط والزواج، واستعانتها بالعديد من المشايخ وصولًا إلى أمين الفتوى بالأزهر الشريف.
وقالت إيمي: "بمناسبة كلامي عن الجن العاشق والحسد، كنت بوعي البنات ولكن أنا كويسة مفيش أي حاجة، بصلي وبعمل عمرة وعارفة ربنا، ومش مؤمنة بالجن العاشق أو المس".
وأضافت: "أنا شايفة بنات كتير بتفكر في موضوع جوازي اتأخر بسبب إني معمولي عمل، أنا مش مؤمنة بكده ولكن أنا حبيت أوجه رسالة للبنات إللي بتغني في الحمام وتقف أمام المرآة عشان يخافوا شوية، ولكن الموضوع عندي ملوش أساس من الصحة".
واستكملت: "سأتزوج قريبًا ولا يوجد شيء يعطل الزواج، وأقول للبنات لا أريدكن أن تنسقن وراء هذا الكلام ده وتأخذنه على أنه حقيقي، لأن ده مش حقيقي، طبيعي بحلم زي أي بنت لسة متجوزتش، لكن أنا كويسة ومفيش أي حاجة".
وكانت إيمي طلعت زكريا قد تحدثت عن معاناتها من الحسد والجن العاشق في تصريحات تلفزيونية سابقة قائلة: "أنا كنت فاكرة إن فيا حاجة وتعطيل في حاجات كتير، وأنا مؤمنة جدًا بإن العفاريت أحياء عايشين معانا، وأول لما بابا توفي كنت دايما أسمعه بينادي عليا، وفي ليلة كنت راجعة من المسرح الساعة 1 بالليل، وكنت ماشية على الدائري في منطقة مظلمة، لقيت واحدة منكوشة بتشاور وخفت وجريت، ولما بصيت ورايا ملقتش حد، وسألت شيوخ وبعضهم قال في مس أو سحر أو عمل بوقف الحال".
العدد 1075 | أيار 2024
إشترك
