رنا سماحة: تعرّضت للظلم والقهر

أعلنت الفنانة رنا سماحة عبر حسابها الشخصي في موقع التواصل الاجتماعي "فيسبوك"، تفاصيل تعرّضها للظلم في مرحلة ما من مشوارها الفني، ومعاناتها اليأس والقهر من شدّة الظلم الذي لحق بها، لكن بعد ذلك عوّضها الله عن كل ما مرت به.

وكتبت رنا قائلةً: "جت عليا فترة أتعرضت لظلم في شغلي، واتقهرت أوي واتوجعت لدرجة أني كنت بحس أن قلبي هيقف، واكتشفت أن الظلم ده أوحش إحساس ممكن يعيشه الإنسان".

وأضافت: "كنت بقعد اسأل ربنا هو أنا عملت إيه يا رب، ليه زعلان مني، ومكنتش عارفة أن ربنا شايلي خير كبير، وأحسن مليون مرة من حتى اللي بتمناه، مكنتش عارفة إنه مش زعل بالعكس ده خير كبير، دلوقتي أنا بعيش عوض ربنا وجبره الكبير لخاطري، وأنا مش مصدّقة وبقوله كتير عليا يا رب الكرم ده".

واختتمت رنا سماحة بالقول: "اللهم لك الحمد حتى ترضى، وإذا رضيت وبعد الرضا، وأما بنعمة ربك فحدّث... اوعوا تيأسوا أبداً وتقولوا خلاص قفلت كده، متعرفوش قدام الباب اللي بيتقفل كام باب أوسع بيتفتح".

مقالات ذات صلة

نادين نسيب نجيم تتلقى هدية خاصة لا تقدر بثمن (فيديو)

المحكمة تفصل في قضية سرقة قصة فيلم "توأم روحي" لحسن الرداد

رنا سماحة نجوم الفن مشاهير الفن