بعد بكائها وإتهامها بارتكاب الفاحشة... ردّ فعل حاسم من ميار الببلاوي

نشرت الفنانة المعتزلة والإعلامية ميار الببلاوي منشوراً على حسابها الخاص على "فيسبوك" كشفت من خلالها عن اتخاذها إجراءات قانونية ضد الشيخ محمد أبو بكر بعد اتهامه لها بارتكاب الفاحشة.

وردت ميار على الانتقادات التي طالتها من قبل بعض الجمهور بسبب ظهورها مع الإعلامية بسمة وهبة، وإدلائها بتصريحات أثارت بها الجدل مؤكدة أنه تم طلاقها من زوجها 11 مرة، الأمر الذي دعا البعض يتهمها باللجوء للمحلل حتى تعود له مرة أخرى.

وكتبت ميار في منشورها قائلة: "كل الناس عمالة تقولى غلطك إنك طلعتي في برنامج بسمة طيب أقسم بالله ما كنت أعرف إنها هتكون هجومية كده، اتلجمت مكنتش عارفة أرد خالص وكل اللي كان في دماغي إني ألغي الحلقة وليس كل منطوق مقصود".

وأضافت: "أنا مطلقتش 11 مرة، كان قصدي إن جوزي على طول بيقول عليا الطلاق يا جماعة دا بتاع البطيخ بيحلف يمين طلاق إن البطيخة حمرا يبقى مراته طالق؟ الناس ماسكه على كلمة واحدة تستاهلي علشان طلعتي مع بسمه خلاص ارحموني".

وأضافت: "اعترفت بغلطتي بس أنا صحبتى دعتني لبرنامجها وأنا بحب بسمة ومن زمان وصورنا قبل رمضان بأسبوعين وأنا أقسم بالله عمرى ما شفت برنامج العرافة دا قبل كده اللهم حلقة شاكوش ومراته، وعارفة بسمة طيبة وبتحبني فوجئت بالكاركتر اللي كانت متقمصاه في البرنامج كان كل همي أحافظ على هدوئي واحترامي للمكان وأرد على أي سؤال بصراحة علشان المصداقية".

واستكملت: "أنا كنت ضيفة في برنامج متشاف مع مذيعة كبيرة على قناتين كبار النهار والمحور، وأنا الفلوس فأنا أخدت مبلغ لا يذكر وكنت مصممة أرجعه وألغي الحلقة واسألوا أستاذ شريف رئيس تحرير البرنامج أرجوكم كفاية نقض واللي حصل فى الفيديو الناس اللي بتقول تمثيل ربنا يحسسكم بالقهرة وبوجع قلب الشريفة الحرة المتقية ربها لما يتقال عليها زانية من شيخ".

وأردفت ميار الببلاوي: "أنا غلطت لما قبلت أطلع مع بسمة ويشفعلي جهلي بالبرنامج وطبيعته، وغلطت إنها لما قالتلى 11 مرة مفهمتهاش إن كلامها يعنى أبقى مطلقة، وبعدين محدش ليه دعوة بحياتي الشخصية، جوزي وابني وجوازي خط أحمر من هنا ورايح".

وأوضحت: "الناس اللي بتقولي إنتي اللي اتكلمتي وقولتي وعاوزين يرحموني أنا كنت بتسأل وبجاوب مش أنا اللي فتحت أي كلام وكنت بحاول أتهرب من الإجابة بس بسمة كانت مستميتة على التريند من كلامى مكنتش مديانى فرصة نهائى غير اللي اتمنتج".

واختمت الببلاوي: "حياتى الشخصية خط أحمر ودا هيكون شرطي أنا خدت كل الأدوية بس والله من النكد ما قادرة أنام، وكمان بدأنا الإجراءات القانونية سمعت إنه مسح الفيديو بس خلاص شوفناه والمستشار القانوني بدأ شغله وحسبي الله ونعم الوكيل وبعتذر على عدم الرد على السادة الصحفيين لأنه لم يعد لديَّ ما أقوله، والأمر ترك للقانون والقضاء المصري الشامخ وعند الله تجتمع الخصوم".

مقالات ذات صلة

بالفيديو - بوسي تبكي وتكشف أسراراً خطيرة عن حياتها الشخصية والمهنية

مي عز الدين تغيب عن جنازة والدتها بحضور النجوم

ميار الببلاوي مشاهير الاعلام نجوم السوشيال ميديا مشاهير مصر