إشترك
نشر الفنان تامر حسني على حسابه الخاص بـ"إنستغرام" مقطع فيديو كشف من خلاله طلب ابنته الكبرى تالية العمل كمديرة أعماله في حفله الأخير في احتفالات تحرير سيناء.
كتب تامر معلقًا على الفيديو: "قصة الفيديو… اللي جنبي هو أستاذ عمرو مخرج الحفلة صاحبي وكنا في كلية إعلام مع بعض وفرحت أوي لما شوفته يومها بيخرج حدث مهم كده…. أما حبيبة قلبي تالية.. جاتلي من أول اليوم قالتلي أنا النهاردة مديرة أعمالك وهتسمع كلامي في كل حاجة قولتلها حاضر بس الشغل مفيهوش هزار ركزي في كل التفاصيل، قالتلي حاضر وطلعتلي البدلة اللي عجباها وجزمة ضيقة عليا، بس هي صممت عليها وأنا قولت حاضر".
وتابع: اختارت لي الأغاني ورتبتهم وماشية جانبي بقى عاملة وش الجد، ومش بتهزر قال يعني كدة مديرة لحد ما اتكسفت كده والطفلة اللي جواها اللي بموت فيها ظهرت في الضحكة ربنا يحفظك يا حبيبتي ويحفظ كل ولادنا".
يُذكر أن تامر حسني يواصل تحضيرات فيلمه الجديد "ري ستارت"، حيث أعلن عن انضمام الفنان باسم سمرة للعمل، وكتب عبر حساباته الخاصة بمواقع التواصل الاجتماعي: "انضم لأسرة فيلمي الجديد "ري ستارت" حبيب قلبي وعشرة العمر النجم الكبير باسم سمرة مبروك علينا يابو سمرة نورت الفيلم".
