بالفيديو - إنهيار ميار الببلاوي بعد اتهامها من أحد الشيوخ بزواج المحلل

27 نيسان 2024 | القاهرة - "لها"

في بث مباشر على حسابها الخاص بـ"فيسبوك" ظهرت الإعلامية ميار الببلاوي، في الفيديو وهي في حالة انهيار تام بالبكاء، بعد إصدار احد الشيوخ فتوى يتهمها فيها بالزنى، على إثر تصريحاتها الأخيرة ببرنامج "العرافة" مع بسمة وهبة في رمضان الماضي، والتي قالت فيها إنها تزوجت من زوجها الأول إحدى عشرة مرة.

وكشفت ميار في الفيديو لجمهورها تفاصيل ما حدث معها، موضحة أن هذا الشيخ قال في حقها ما ليس فيها، موضحة أنها بعد حلقتها مع بسمة وهبة في رمضان اتهمها أحد الشيوخ بالزنى وبزواج المحلل أكثر من مرة، وعرضت ميار قسيمة لكل زواج تزوجته، مؤكدة أنها لم تفعل أي شيء يغضب الله.

وقالت ميار الببلاوي في الفيديو: "لو سمحتوا كرامة لرب العالمين، لو في يوم من الأيام ولو سمعتوا مني كلمة غيرت في حياة حد أو آية افتكروها ليا، وكل اللي طلباه منكم الدعاء، أنا سكت كتير لأني دايما أؤمن بحديث الرسول أميتوا الباطل بالسكوت عنه، لكن أنا تعبت وكل حاجة يقولوا علشان التريند بس أنا مش فارقة معايا التريند، وأنا عيانة بقالي 8 أيام ومش بقول أني عيانة ولا بتكلم علشان محدش يقول إني بتاجر بالعيا وزهقت من كلمة التريند بعد ما كنت بصور لكم كل حاجة ولما أعمل أي حاجة أقولها".

وأوضحت ميار الببلاوي أنها تقابلت مع شيخ مشهور وكشف لها أنه تحدث عنها وحينما سمعت الفيديو وحديثه عنها صعقت لما قاله، قائلة: "النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة وما رضتش أسيبها لوحدها وقلت هروح معاها وأسلم عليها، وأنا داخلة أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء ولكن سبحان الله يمكن نزغ شيطان أو فتنة أو حديث نفس".

وأضافت: "ربنا بيقول يا أيها الذين آمنوا إن جاءكم فاسق بنبأ فتبينوا، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه، وأول ما شيخنا الجليل شافني وأنا كنت بحبه جدًا وبتابعه وأقول نفسي يكون معايا في حلقة، وسلمت عليه وقالي إنتي جيالي علشان حطيتك على المرجيحة إمبارح فقلت له مش فاهمة، فقال لي أصل إمبارح كنت جاي عليكي جامد، فرديت قلت له شرف ليا وأنت عمرك ما هتظلمني ونحسبك على خير، لقيته بيقول لي اللي أنتي قلتيه مع بسمة، لكن ما حدش فكر إنه معمول مونتاج علشان يطلع تريند ونص الكلام مقطوع".

وأشارت ميار الببلاوي إلى أن الشيخ اتهمها في عرضها موضحة: "لما سمعت الفيديو لقيته بيقول عليا إني باخد كل راجل ليلتين وإني ببوظ شكل الدعاة، حسبي الله ونعم الوكيل فيك زي ما اتكلمت في عرضي وشرفي وشرف ابني، حرام عليك سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني دفن نفسي مع أمي".