إشترك
نشرت مصمّمة الملابس والمذيعة أسما شريف منير عبر حسابها الخاص في "إنستغرام"، مقطعاً مصوّراً أعلنت من خلاله قراراً غريباً وبرّرته بأنها خطوة جديدة في حياتها.
وقالت أسما في الفيديو إنها قررت أن تبيع سيارتها من أجل أن تفتتح مشروعاً جديداً خاصاً بالملابس... وعلّقت على الفيديو قائلةً: "قررت أشارككم رحلتي اللي ببدأها من الصفر للمرة الثالثة في حياتي، كنت فاكرة إني هنزل الفيديو ده بعد سنين كتير، بس قلت أكون معاكم خطوة بخطوة، وعايزاكم تكونوا جزء منها".
وأضافت: "أنا بقالي 15 سنة مسؤولة عن نفسي، طبعاً لما بنهار خالص أبويا بيلحقني بس بعيد عن كده ده قراري، إني أكون مسؤولة عن نفسي... المهم قررت بعد رحلة طويلة من الهيلنغ والشغل على تطوير نفسي، إني أحقق حلم كنت بحلم بيه من زمان أوي. كان دايماً فيه ناس بتحاربني وبتعطلني إني أحقق حلمي في الشركة دي وكم الناس اللي أحبطتني وقالت لي بلاش ومش وقته وهيحاربوكي، انتي عبيطة في حد يبيع عربيته في الغلا ده، مش هتعرفي تجيبي عربية تاني".
واختتمت أسما شريف منير الفيديو بالقول: "أنا صمّمت عشان مؤمنة بحلمي وعادي إني أتكسف شوية وأبني تاني زي ما بنيت أولاني وتاني، أنا مقتنعة إننا إحنا اللي بنعمل الفلوس مش هي اللي بتعملنا، والرزق متقسم ومحفوظ فاللي يحارب يحارب واللي يحبط يحبط، وأنا مكملة، عمرو مؤمن زيي بالظبط وعنده نفس حماسي وحلمي فقرر يجازف هو كمان ونبدأ مشروعنا بكل طاقتنا وبكل حاجة جوانا من طاقة... كمّلوا معانا الرحلة لسة في تفاصيل كتير".
