إشترك
بالفيديو - تصريحات جريئة لهادي الباجوري عن ياسمين رئيس ومحمد سامي وهذا ما كشفه عن مشاهد الفنانات الجريئة
خلال حلوله ضيفاً على الإعلامية أسما إبراهيم، ببرنامجها "حبر سري"، الذي تقدمه عبر شاشة "القاهرة والناس"، كشف المخرج هادي الباجوري العديد من الأسرار عن حياته الشخصية وأسباب طلاقه من ياسمين رئيس ورأيه في المشاهد الجريئة ويوجه رسائل لعدد من النجوم، وجاءت تصريحات الباجوري في السطور التالية:
-الفنانة التي ترفض المشاهد الجريئة أو الحميمية لا يجب أن تشارك في الدور أو المسلسل، كبيرك دلوقتي تعملي بوسة أو حضن.
- الفنانة التي لا تريد المشاركة في مثل هذه الأعمال حتى لا تتعرض للانتقاد من الجمهور، فالجمهور بتاعنا بيموت في المشاهد الجريئة.
- أصبحت صريحًا أكثر من أوقات سابقة، فلم أكن أكذب ولكن لا أتحدث أو أنفي شيئًا غير صحيح، ولا أتحدث في كل شيء بنفس هذا المنطق، وأصبحا متصالحًا مع نفسي بشكل كبير جدًا.
- لو عملت عمل مش مبسوط منه بلوم نفسي كتير أوي وبقعد في البيت أحاسب نفسي.
- أتقبل النقد من قبل أي ناقد فني لكي أعيد ترتيب نفسي وترتيب العمل، والجمهور محتاج يتعالج ولن أغير نفسي من أجله.
- مش لازم الجمهور يحط نفسه في حاجة شخصية للفنان.. أنا حر ومش بعمل الأفلام للجماهير بعمله للمنتج والناقد.
- كان فيه مقابلة تليفزيونية واتسألت عن موقفي لو مراتي ياسمين رئيس جاءت في مشهد به قبلة ترفض ولا توافق فكنت لسه عامل فيلم "قمر 14" وكان فيه مشهد قبلة ما بين شيرين وخالد، فقلت أوافق طبعًا، لأن ده تمثيل وموضوع الطلاق ملهوش علاقة بالغيرة من عدمه.
- لو السياق الدرامي للعمل يتطلب إن مراتي تشارك في قبلة مفيش مشكلة طالما إنها تخدم العمل.
- الممثلة اللي مش عايزة تعمل مشاهد جريئة أو مشهد حميمية زي بوسة وحضن في علاقة حب بالعمل تبقى كدابة وبتكدب على نفسها والجمهور.
- أنا مش مجنون أطلب من ممثلة مشهد جنسي في الفيلم.
- لما يبقى فيه علاقة بين اتنين بها حب وشجن وحنين تتطلب حضن وقبلة خاصة لو شافت الحبيبة حبيبها بعد غياب ستة شهور مثلا إزاي بقى نحجب المشهد الحميمي اللي بيعبر عن المشاعر بين أي حبيبين.
- ليس صحيحًا أن ارتداء ياسمين رئيس الكعب العالي تسبب في إحراجي بأحد المهرجانات، أنا أبقى مبسوط لما مراتي أو خطيبتي أو صاحبتي يبقى شكلها حلو والناس يبقوا شايفينها بشكل حلو ولو أطول مني يبقى كويس لأن الطول جزء من الجمال.
- مبحبش أثير الجدل وطول عمري في حالي، ومش بحب أعمل مقابلات ولا أطلع في برامج.
- في مرحلة في حياتي مكنتش عايز أرتبط ولا أعمل عيلة، وأنا اتجوزت مرتين بس مكنتش رغبتي إني أتجوز.
- علاقتي بابني الحمد لله بموت فيه وهو بيموت فيا وإحنا أصحاب، ولما جاء ابني وجهة نظري في الحياة كلها اتغيرت وبقيت أفكر في المستقبل، لأني كنت عايش في بيت إيجار ومكنتش عايز أملاك ولا كنت أملك حاجة وكل ده اتغير في خلال الـ9 سنين اللي ابني جاء فيهم".
- أنا عندي مشكلة في تقديم أحمد مكي لأجزاء كثيرة من مسلسل الكبير أوي، وخاصة تقدم جزء جديد بعد الثالث مش الثامن".
- طالما إن أحمد مكي بيلاقي حاجة جديدة يقدمها مفيش عيب في كده، ولكن أنا شخصيا أحب الجديد اللي أقدمه ولكن مكي له أسباب مختلفة عني تدفعه لتقديم أجزاء كتيرة للكبير أوي".
- المخرج محمد سامي شاطر كمخرج وفي التسويق، وعنده حاجة بيقدمها بتنجح جدًا وده معناه إنه ناجح وبيركز في شغله، بس أنا مبتفرجش على المسلسلات.
- أحمد الفيشاوي، ليه أنت مظلوم؟ مش أنت اللي ظالم نفسك، هو جريء وحياته مفتوحة والناس بتاخد المواقف بشكل شخصي ودي أثرت عليه".
مقالات ذات صلة
الأكثر قراءة
المجلة الالكترونية
العدد 1080 | كانون الأول 2024
