إشترك
حلّت الفنانة أيتن عامر ضيفةً على برنامج "العرافة" الذي تقدّمه الإعلامية بسمة وهبة على قناة "النهار"، حيث تحدثت خلال الحلقة عن العديد من الموضوعات، وعن حياتها الشخصية، وخلافها مع طليقها محمد عز العرب، كما كشفت حقيقة تعرّضها للخيانة وأسباب شجارها مع شقيقتها الكبرى وفاء عامر.
وهذه أبرز تصريحات أيتن في البرنامج:
- "أي اتنين بينفصلوا أكيد بيبقى فيه بينهم خلافات، بس مش كل حاجة بتبقى صح".
- فيه ناس بتفبرك عناوين عشان الريتش، وأنا من جانبي اتنازلت عن حقي، لأن أنا وأبو أولادي مش هنقف قدام بعض في المحاكم أبدًا.
- مفيش قضايا بيني وبين عز دلوقتي، ولكن لكل فعل رد فعل، ولما حد يرفع عليا قضية ما، طبيعي إني هرد.
- أنا دايمًا في موضع دفاع، عمري ما كنت في موضع هجوم، ومعرفش عدد القضايا اللي هو رافعها عليا من كترهم، وبرغم إننا انفصلنا، بس هنفضل لآخر يوم في عمرنا ناقر ونقير.
- مازالت هناك مساحة احترام بينا لأننا موقفين المشكلة عند حد معين ومش بنكبر المواضيع.
- الناس انتقدتني لما قلت لياسمين عبد العزيز "الناس ملهاش علاقة انتو اتطلقتوا ليه"، وتجربة الطلاق دي من أبشع التجارب اللي ممكن ست تمر بيها في حياتها.
- الست ممكن تنور بعد الطلاق بس مش عشان اتطلقت، هي كانت منورة من قبل كده بس يمكن كان عندها حتة اُستنزفت ورجعت نورت تاني، لكن عمومًا الطلاق مش حاجة كويسة ومش سهلة وتجربة صعبة.
- الست عمرها ما كانت مسئولة عن خيانة الراجل، الراجل بطبعه كدة، وإلا مكنش ربنا حللهم التعدد.
- لما وفاء عامر أختي قالت إن الست هي المسئولة عن خيانة الراجل لها، اتخانقت معاها لأن ده مش صح.
- هناك تفاصيل كثيرة جدًا بعد انفصالي، وأنا أسكت ولا أتكلم ومبحبش مشاكلي ولا مشكلات بيتي تبقى في العلن والناس كلها تبقى عارفاها، لأنه يقع في نطاق مساحتي الشخصية وخصوصيتي وأبنائي.
- أي شخصين ينفصلان تقع بينهما مشكلات، ومن سوء حظي أن إدارة أمن الكومباوند أبلغت القسم بمشكلة وقعت بيني وبينه، وأنا تنازلت".
لما كتبت على "تويتر" "فيه رجالة بياخدوا اللي دفعوه طول فترة الجواز"، كنت أقصد الرجال الذين يحصلون على المبالغ المالية التي أنفقوها على زوجاتهم طول فترة الزواج، وكان ذلك ردًا على منشور قرأته عن سيدة نشرت محادثة بينها وطليقها وأنها كانت متورطة في أزمة كبيرة واحتاجت إلى مبلغ معين لو لم يدفع لواجهت الحبس، طليق هذه السيدة لم يتردد ثانية في دفع هذا المبلغ لها رغم عدم وجود ما يربطهما ببعض حاليًا، فقارنت بين هذا المنشور والواقع الذي نعيشه والحالات من حولنا، وهناك رجال محترمون وآخرون ليسوا كذلك".
