إشترك
وقعت النجمتان انتصار وميرهان حسين ضحيتين في مقلب برنامج "رامز جاب من الآخر"، الذي يقدّمه الفنان رامز جلال عبر قناة MBC مصر، حيث استدرجهما رامز للادلاء بتصريحات مثيرة عن أزماتهما مع بعض الفنانين.
وكعادة رامز في البرنامج، بدأ الحلقة بمقدمة ساخرة، قائلاً: "النهاردة معانا جوز اللبط اللي بيثيروا اللغط، وجوز خيل عايز يتربط، واحدة بتتخانق مع دبان وشّها، فنانة لسانها طويل وحيزبونة، والموضوع وصل إنها بقت مجنونة، وضيفتنا الثانية غندورة وسنيورة، لكن للأسف مخّها لاسع ومهبوشة وبحالات، مرة متوهجة ومركزة وبتعمل مسلسلات، ومرة هبطّل تمثيل وأعتزل وانسى كل اللي فات، ولما رجعت فتحت صفحة الارتباط والجوازات، وفجأة عملت بوست وقالت خطيبي سابني لوحدي، فيها إيه لما خطيبك يسيبك علشان واحدة تانية، صدقيني يا أختي مش آخر الدنيا".
وسخر رامز من إطلالتة ميرهان قائلاً: "المزّة اللي مثبتة الساحل كله تتخض كده، إيه جاكيت جمعة الشوان ده؟".
وسأل رامز ميرهان قائلاً: "ميرهان تتعمّد نشر صور جريئة وملفتة على السوشيال ميديا لزيادة عدد المتابعين"، لتجيبه: "دي صور عادية".
أما انتصار فسخر رامز من إطلالتها قائلاً: "إيه تسريحة ملكة الجان دي؟ ضاربة كليم فوق القميص وجايباه من كرداسة، وإيه تسريحة شفيقة ومتولي دي؟".
وسأل رامز انتصار قائلاً: "انتصار تشعر بتأنيب الضمير لأنها ظلمت شيماء سيف"، فأجابته: "الموضوع من 12 سنة وزهقت منه، إزاي أصالح واحدة كل سنة تطلع في برنامج تتكلم عني وتقبض؟".
وسألها: "إيه اللي خلاّكي تتخانقي مع كاملة أبو ذكري؟"، لتردّ عليه قائلةً: "هي اللي اتخانقت معايا، ممثل اختلف مع مخرج إيه اللي حصل؟".
ليعود رامز جلال ويسأل ميرهان حسين عن قرار اعتزالها قائلاً: "اعتزلتي علشان التريند؟"، فتجيبه: "لأ طبعاً جالي اكتئاب وإحباط، والناس خلّوني أرجع في رأيي".
وفي ختام الحلقة، قلّدت ميرهان حسين طريقة الفنانتين إليسا وهيفاء وهبي في الغناء، وعلّق رامز جلال على أدائهما بالقول: "تستاهلوا العقاب".
