تامر حسني يردّ على انتقادات إعلانه في رمضان

14 آذار 2024 | القاهرة – "لها"

تامر حسني

منشور تامر حسني

تامر حسني

ردّ الفنان تامر حسني على حملة الانتقادات التي طاولته أخيراً، بعد تقديمه إعلاناً لإحدى شركات الأغذية الشهيرة والتي تدخل ضمن قائمة الشركات المقاطِعة، والذي يُعرض ضمن إعلانات موسم رمضان الحالي.

وكتب تامر عبر حساباته الشخصية في موقعَي التواصل الاجتماعي "إنستغرام" و"فيسبوك" قائلاً: "مساء الخير عليكم بقالي يومين بتابع اللي بيحصل واحتراماً للجميع أنا بوضّح حاجة بخصوص إعلان شيبسي الأخير، أولاً أنا بشتغل مع الشركة من سنتين قبل أي أحداث وده مش أول إعلان ده ثالث إعلان في عقدي، معلش أحياناً الكلام عند بعض الناس بيبقى سهل، وتحديداً لما بيكون بدون علم بالعقود وبحيثيات الموضوع كله".

وأضاف: "ثانياً أنا مضيت على عقد مكتوب فيه إن شيبسي شركة مصرية، ولها سجل تجاري ضريبي مصري منفصل والبند قدامكم أهوه لصدق كلامي، والأهم لأي حد بيشكك في انتمائي للقضية الفلسطينية هقوله أنا من 20 سنة وأنا في ضهر القضية، ومش كلام وأغاني بس لا أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب، مجاملة مثلاً".

واختتم تامر حسني منشوره بالقول: "وأخيراً أنا لما قررت أكون الوجه الإعلاني لشيبسي من سنتين لأنه منتَج مصري كل المصريين بيحبوه، والبطاطس من الفلاحة المصرية وبيتباع في مصر بس واتربينا عليه، والأهم إن الشخص البسيط يقدر يشتريه في ظل ظروفنا الاقتصادية وأظن ده واضح في الإعلان، ده كان شعوري الشخصي تجاه الحملة وأنا بمضيها من سنتين، عشان كده كان واجب عليا التوضيح للجميع واللّي مش واصلاله الصورة بكل احترام، وشكراً لكل اللي ردّوا عني وهما مغمّضين، حقيقي أنتوا نعمة كبيرة من ربّنا ألف شكر ورمضان كريم على الجميع".