دينا فؤاد تعلن سر موافقتها على العمل مع أحمد العوضي

خلال مداخلة هاتفية لها مع برنامج "كل يوم" الذي يقدمه الإعلامي خالد أبو بكر على قناة ONE، تحدثت الفنانة دينا فؤاد عن سر موافقتها على العمل مع الفنان أحمد العوضي، في مسلسل "حق عرب" المرتقب عرضه في الموسم الرمضاني 2024، والذي تتعاون فيه معه مجددًا، بعد مسلسل "اللي مالوش كبير".

وقالت دينا: "بعد نجاح اللي مالوش كبير، وقبلها الاختيار؛ اللي كرمت عليه من الرئيس في انتصارات أكتوبر، بنأكد التعاون مرة أخرى في حق عرب، والكيميا اللي بينّا اتأكدت، وعاملين حاجة محترمة في منطقة المغربلين، وبقدم دور بنت اسمها حنان الغرباوي وهي بنت واقفة على ناصبة شاي بتساعد أبوها".

وأضافت: "فيه قصة حب ودراما وشخصية مركبة، والشخصية اللي هقدمها من الشخصيات اللي فيها أكتر من تحول وتعبت عليها وكل الصناع تعبوا معايا علشان يطلعوا الشخصية بالشكل اللي هتشوفوه إن شاء الله".

وكشفت دينا فؤاد أماكن تصوير مسلسل "حق عرب": "صورنا مسلسل حق عرب في أماكن كتير زي وسط البلد والمعز وميدان الإسماعيلية ومصر الجديدة، ولما كنا في المعز تقريبا ما عرفناش نصور بسبب أحمد العوضي، لأنه محبوب بشكل كبير ومش طبيعي من الشارع المصري، وأنا شفت ده بعينيا، الناس بتحبه جدًا وبتستقبله وتوقفه، وهو له طريقة خاصة في التعامل مع الناس، ويا رب الحب ده يترجم في نجاح المسلسل في رمضان".

كما كشفت دينا عن رسالة المسلسل قائلة: "رسالة المسلسل باختصار هي أنه لا يصح إلا الصحيح، ويا جماعة أي حد بيعمل أي حاجة، أيًا كانت إيه هي مش بتستخبى، بتظهر وتتعرف لو بعد 100 سنة، ومفيش حاجة غلط حد بيعملها بتفضل مختفية طول العمر، مفيش حاجة اسمها الجريمة الكاملة زي ما بيقولوا".

مقالات ذات صلة

أحمد العوضي يكشف عن بطلة مسلسله بعد انتقاد الجمهور

بالفيديو - أسماء أبو اليزيد تنضم إلى الفنانات المطربات

دينا فؤاد أحمد العوضي حق عرب