إشترك
سخر هشام نجل الموسيقار الراحل حلمي بكر من انتقادات الجمهور له، بسبب الفيديو المتداول الذي ظهر خلاله وهو يلتقط صوراً تذكارية مع عائلته في عزاء والده.
وقال هشام حلمي بكر: "مش بقرأ سوشيال ميديا ولا تعليقات، لأن كل واحد عنده رأي وده وارد، لكن الصورة دي طبيعية عفوية، وحبّنا لبعض كعيلة لا يخفّف من حزننا على وفاة والدي".
وأضاف: "فكل واحد حر يشوف الموضوع من وجهة نظره، ووجهة النظر الوحيدة المهمة هنا هي وجهة نظرنا إحنا كعيلة، والعلاقة اللي بتربطنا ببعض، وأحب أوضح إن ده ميقللش من حزننا على أبويا، وإحنا اللي فاضلنا في الدنيا هما عيلتنا".
وأردف هشام حلمي بكر ساخراً: "كون إن إحنا خدنا لحظة عشان ناخد صورة مع بعض ونحتفل بلحظة يمكن متتكررش تاني، إن إحنا نكون في بلد واحدة كلنا في نفس الوقت، ومعتقدش إن دي حاجة غلط وأنا مقدرش أسيطر على رأي كل الناس".
