إشترك
كشفت الفنانة ياسمين رئيس من خلال حسابها على "إنستغرام" عن تعرضها لموقف محرج وأزمة قبل ظهورها بحفل توزيع جوائز فعاليات مهرجان "Joy Awards" في دورته الرابعة التي أقيمت على مسرح بكر الشدي في السعودية.
ونشرت ياسمين رئيس مقطع فيديو عرضت فيه مشكلتها لتأخذ رأي متابعيها، وقالت: "أنا دلوقي عندي مشكلة، أنا قاعدة في الرياض، والفستان طلع واسع، المقاس طلع مش مظبوط، ممكن أكون خسيت أو الفستان جالي مقاس غلط، وأنا جاهزة، ومش هينفع أنزل بفستان واسع هيتسلوا عليا ويقولوا ياسمين فستانها واسع، ولا ألبس جينز ولا هتتريقوا عليا وتقولوا لابسة جينز على الريد كاربت؟، ولا أنزل كده بالبرنص".
واستنكرت ياسمين سخرية البعض من مشكلتها، قائلة: "بالنسبة لكم مش مشكلة وحاجة بسيطة، إزاي اشتكي وأقول إني جاهزة ومش عارفة أنزل علشان الفستان واسع؟"، مردفة: "في حد بيقول لي مشكلتك محلولة ولو مش محلولة ما كنتيش طلعتي، لكن والله المشكلة مش محلولة وأنا قاعدة بحاول أتنفس وأهدى ومش عارفة اتصرف".
ولكن سرعان ما نشرت مقطع فيديو آخر مع سيدة تدعى ماري، وأكدت أنها أنقذتها بالفعل بعدما قامت بتعديل الفستان لها ليبدو مشدوداً ومناسباً لشكل جسمها.
