إشترك
حلّ الفنان محمد فؤاد ضيفًا على برنامج "كلام الناس" الذي تقدمه الإعلامية ياسمين عز على قناة "Mbc مصر"، حيث بدأت الحلقة بمقدمة قوية قالت فيها : "حلقة استثنائية مع نجم استثنائي، أسطورة من أساطيرنا الفنية اللي كلنا بنفتخر بيها لو اتكلمنا عن الغناء تقريبًا مفيش نجم قدر يحقق نجاحه طوال الـ30 سنة اللي فاتت، ألبوماته دايمًا كانت بتحقق أعلى مبيعات، أغانيه مهما تطول السنين لسه كلنا حافظينها ونرددها لحد النهاردة، لو اتكلمنا عن التمثيل فهو صاحب أهم نقطة تحول في تاريخ السينما المصرية، وبطل الفيلم اللي بسببه ظهر جيل كامل من النجوم الشباب اللي بيسيطروا على الساحة الفنية لحد النهاردة".
ورد "فؤاد" عليها، قائلاً: "رافعة راسنا أنتي على طول، وأنتي نجمة كبيرة وعاملة حالة ولازم تلاقي طوب كتير بس ربنا معاكي، مفيش حد بينجح من الهواء، وماردتش أطلع معاكي قبل كده عشان كنت تخين أوي الحمد لله إنها محصلتش".
وعن رفضه الظهور إعلاميًا، قال: "الناس دلوقتي تحسي إنهم بيبقوا قاصدين يخبوا الكويس ويظهروا الوحش بس وإن كان في شيء إيجابي ميتقالش ونطلع السلبي لأنه اللي بيجيب مشاهدات أو تريند أو بيلفت النظر وده في حد ذاته دينيًا حرام وأخلاقيًا ليه مسمى مينفعش نقوله على الهواء، إنما ده اللي مودينا في المصايب اللي إحنا فيها، ومحمد فؤاد من الناس اللي بينالهم من الحب جانب وقلت يا جماعة مش هغني غير لما اتطمن أن البلد بقت كويسة ومش هغني بالعافية مش هغني وأنا مش مبسوط".
وعن حقيقة خلافه مع الفنان محمد هنيدي بسبب فيلم "إسماعيلية رايح جاي"، الذي عرض عام 1997، وحقق وقتها نجاحًا كبيرًا، قال محمد فؤاد: "أنا ومحمد هنيدي لم نتحدث قط، وكان يشرفني أن يكون صديقي، ولكنْ أصدقاؤه غير أصدقائي، ولم يكن بيني وبينه أي غضب قط، ولم يسبق لنا أن التقينا في مكان ما، لم نتفاعل إلا في الفيلم، وكانت القصة تقول إننا كنا أصدقاء، ولكننا ننشر المعاني الطيبة بين الأجيال والشباب"، معلقًا: "ليه نبقى أنا وهو أصدقاء، أنا مش هكون صاحبه بالعافية أو غصب عنه".
وحرص محمد فؤاد، على توجيه رسالة للسيدات لحماية بيوتهن، مؤكدًا أنه يجب على المرأة ألا تكشف سر زوجها لأهلها حتى لا ينكسر أمامهم، وعليها أن تسيطر على نفسها.
وأضاف: "إوعي تحكي حاجة بينك وبين جوزك لأبوكي، أو لأهلك، المشاكل بتبدأ لما السر اللي بينكم بيخرج، وجوزك ما بيسامحش فيها أبدًا، فلازم تمسكي نفسك وتحتفظي بالسر، هو نفسه هيقدر إنك حافظتي عليه، لأنه دايمًا بيكون عايز شكله كويس قدام أهلك".
