إشترك
حلّت الفنانة مريم الخشت ووالدها عماد الخشت، ضيفين على برنامج "صاحبة السعادة" الذي تقدّمه الفنانة والإعلامية إسعاد يونس عبر قناة dmc، حيث كشف والد مريم الخشت كواليس لقائه الأول بخطيبها.
وأوضح عماد الخشت أن ابنته مريم لم تخبره بوجود شاب يرغب في خطبتها بطريقة مباشرة قائلاً: "أنا وهي ووالدتها كنا بنتغدى في مكان، وقبل ما نركب العربية سألتها في حاجة؟ فضحكت وقالت في حاجة".
وأضاف: "سألتها إنت حاسة بإيه؟ مبسوطة؟ وهو مين؟ وكنت سامع الاسم قبل كده من أصدقائها".
وتابع: "لما قالت الاسم عرفت إنهم ناس كويسين ومحترمين وعيلة حلوة، وقلت ليها عايز أشوفه النهاردة، لإني مش عايزُه يرتّب نفسه، ولقيته شاب لطيف لكن اتخضيت أول ما شوفته طويل جداً ومش عارف أسلّم عليه من فين".
وعقبت مريم الخشت قائلةً: "اللطيف إنهم قالوا نتقابل في الأول قعدة تعارف، وفجأة لقيتهم بيقولوا هنقرا الفاتحة، وإحنا مش فاهمين حاجة".
