مخرج "سيد درويش" يدافع عن ميدو عادل بعد التسريب الصوتي المشين

دافع أشرف عزب مخرج مسرحية سيد درويش عن الفنان ميدو عادل بعد تداول التسريب الصوتي المنتشر على مختلف مواقع التواصل الاجتماعي، الذي ينفعل خلاله ميدو موجهاً الإهانات لبعض الموجودين في المسرح من دون أن يحددهم، ما اعتبره البعض إدانة واضحة لميدو في واقعة صفع لقاء سويدان له.

وقال عزب: "مكنش انفعال ميدو عادل في بروفات المسرحية، بل كان في الكواليس، في يوم كنا بنعرض في قاعة سيد درويش في الهرم، والقاعة عملوا معانا شغل وحش جدًا وتعمدوا يعملوا حركات وحشة مع ميدو، ويلعبوا في الصوت ويزودوا سرعة الرقصات، والإضاءة بتنزل في أماكن غلط، وأنا مصور بعض الحاجات دي".

وأردف: "وده إدانة للقاعة في آخر يوم عرض، وكان ميدو بيتكلم في الكواليس عن الناس بتوع القاعة، وعن الفشل ده، وعن اللي مبوظين العرض، ولكن ده كان قبل ما يبدأ العرض ومكنش قدام الجمهور".

وتابع عزب: "مع بداية العرض لما كان بيبقى فيه أخطاء كان بيبصلهم ويضحك، ولما كان بيبص على كابينة الصوت كان يلاقي أستاذة لقاء سويدان فوق، وكانت أستاذة لقاء متفقة مع الأستاذ محمود مخيمر إننا ننقل العرض عنده في قاعة سيد درويش في الهرم".

وكان قد تم انتشار تسريب صوتي للفنان ميدو عادل من كواليس مسرحية سيد درويش، منفعلًا خلاله، وهو يقول: "يا شوية فشلة كلكم.. فاكرين نفسكم بني آدمين؟! وأنتو أتفه من كده بكتير.. وكل واحد عارف نفسه كويس.. شوفوا شغلكم بقى.. مش أنتو شطار وكبار.. دوروها أنتو بقى".

مقالات ذات صلة

أرملة محمد رحيم تتحدث عن مصير أعماله الفنية (فيديو)

بالفيديو - تظاهرة حُبّ لنجوم مصر في عزاء مصطفى فهمي

لقاء سويدان ميدو عادل مسرحية سيد درويش