بالفيديو - نجوم الفن يحييون الذكرى الأولى لوفاة هشام سليم

أحيت الفنانة يسرا الذكرى الأولى لشقيق زوجها الفنان الراحل هشام سليم الذي رحل عن عالمنا يوم 22 أيلول (سبتمبر) من العام الماضي.

وننشرت يسرا على حسابها الخاص بـ"إنستغرام" مقطع فيديو لمجموعة من الفنانين وهم يتحدثون عن الفنان الراحل إحياء لذكراه، وعلقت عليه قائلة: "وحشتنا ومفتقدينك أوي يا هيشو، كل حاجة بينا كانت أحلى وأسعد الذكريات، الدنيا فضيت علينا من بعدك بس سيرتك الحلوة مكملة معانا.. وحشتنا يا أغلي الناس". وظهر في الفيديو عدد كبير من نجوم الفن.

في البداية قال الفنان صلاح عبد الله: "المهلبية جمعتنا سنة ٩١ ومن ساعتها يا إتش بقينا حبايب وصحاب وحبيتك أوي أوي وكنت واحد من أشرف وأنضف وأجدع وأوضح الناس اللي قابلتها في حياتي".

وقال الفنان محمد جمعة: "لما كنت بكلم حد عن هشام بقوله أنت عاشرته الأول عشان تعرفه، هشام كان من أنضف الناس وأجدع الناس، واحشني يا أتش ومفتقدك أوي وأنت في مكان أحسن وربنا يرحمك ويلحقنا بيك علي خير".

وقالت يسرا في الفيديو: "واحشني وقطعت بيا يا هيشو، أنا عارفة إنك في مكان أحسن بس قاطع بينا قطعة سودا، وحشتني وعايزة أحضنك وأبوسك وأهزر معاك، وخليت حد يحجلك السنادي ودي هدية صغيرة أنا بحبك أوي".

وقالت الفنانة فيدرا: "عشان هشام أكتر إنسان كان بيعرف ينكشني ومن أجدع الناس وأشرفهم، واحشني جداً وربنا يرحمك نتقابل على خير إن شاء".

وقالت منة شلبي: "هيشو حبيب الملايين فتي أحلامي، كل حاجة في الدنيا بتفكرنا بيك، لذاذتك وقمرك وحلاوتك وشقوتك وصدقك وحشتني أوي وربنا يسعدك في الجنة ".

وقالت هند صبري: "يا إتش وحشتنا جداً، وسبت مكان فاضي ومفيش حد زيك ولا هيجي ولا حقيقتك ولا في أخلاقك".

طارق لطفي قال خلال الفيديو: "وحشتني ضحكتك ونبلك وشهامتك وجدعنتك، وحشتني يا أخي لكن عارف أنك في مكان أحسن ربنا يرحمك برحمته".

أنوشكا قالت: "هنفضل فكرينك طول الوقت، الشهم الجدع الصادق الحنون والبرنس".

المايسترو عمرو سليم ننعى ابن عمه قائلاً: "هشام الجميل وحشتني وبقالي مدة مشوفتكش وبدعي ربنا إنه يدخلك جنته ويلحقني أنا وكل اللي بتحبهم بيك".