محمد فراج يردّ على إستياء الجمهور منه ويوضح قصة "قابضين"

17 أيلول 2023 | القاهرة - "لها"

محمد فراج

نشر الفنان محمد فراج على حسابه الخاص بـ"إنستغرام" بياناً رد به على الجدل المثار على مواقع التواصل الاجتماعي، خلال الأيام الماضية، على إثر انتشار فيديو له من لقاء تلفزيوني يصف فيه المنتقدين لأسرته وخاصة شقيقة زوجته داليا شوقي بأنهم "قابضين".

وكتب فراج في بيانه قائلاً: "فوجئت بعدد كبير من أصدقائي بيقولولى "مزعل الجمهور ليه يا فراج"، بصراحة استغربت من السؤال، أنا بقالي أكتر من 15 سنة ممثل عمر ما حصل إن اتقال لي جملة زي دي .. القصة بإختصار، أنا كنت في العرض الخاص لفيلمي، واتسألت من برنامج محترم عن ردي على إشاعة انفصالي عن بسنت وانتقاد أداء داليا شوقي، ورغم إن لا الوقت ولا المكان يستحملوا الكلام ده لأننا بنحتفل بالفيلم لكن احتراماً للإعلام بشكل عام جاوبت. بس زي ما كلكم عارفين إن صيغة السؤال بتتحذف في المونتاج والخبر اللي بينتشر هو الإجابة فقط لا غير".

واستطرد فراج قائلا: "السؤال كان: إيه ردي على حملات الإهانة والتجريح؟، فأنا قلت إن ده ماينفعش ناخده بجدية لكن مكنتش بتكلم على الجمهور بشكل عام إطلاقًا. أنا متأكد أن جمهوري اللي بنى اسم محمد فراج فاهم معنى كلامي كويس وعارف إن فيه فرق بين الرأى (حتى لو كان سلبى) وبين الشتيمة.. فيه فرق بين وجهة النظر وبين الإهانة والتجريح.. و متأكد كمان إن جمهورى عارف إني مستحيل أحجر على رأيه، وياريت دايمًا الحكم على أي موقف أو رأي يكون بنظرة شاملة مش من خلال سطرين متاخدين من مانشيت على فيس بوك أو من فيديو اتعمل له مونتاج، معلش طولت عليكم بس يمكن اللي حصل ده كان فرصة لتأكيد امتناني الدائم بآراء الجمهور وإني بستفيد من النقد والملاحظات زي ما ببقى سعيد بالإشادات. بحبكم وشكرًا لدعمكم ليا من بداية مشوارى".